Shagu

Shag (greqisht: Κομνηνάδες/Komninádes) është fshat në qarkun e Kosturit, Greqi. Përpara vitit 1927, fshati është njohur me emrin e vjetër në formën greke Σιάκι/Siáki.

Shag Κομνηνάδες
Fshat

Gjeografia

Nga veriu Shagu kufizohet me Braçanjin, nga jugu me Revanin, nga lindja me Prapackën e Poshtme e Prapackën e Sipërme dhe nga perëndimi me Ponçarën. Fshati Shag e merr emrin nga shënjtori Shën Jak/Jakov dhe pas kohës së gjatë, emri i fshatit është shkurtuar prej formës Shën Jak në Shag. Para vitit 1923, Shagu kishte këto lagje: Vatan/i, Mëhalla e Lartme, Mëhalla Poshtme dhe Mëhalla Koçillerë.

Toponimet të fshatit Shag:(Para vitit 1923)

• Baçeludhe/ja - ara, në J.
• Borovë – ara, në L.
• Bubullimë/a - kodër malore, në P.
• Çairi i Kovaçe – kullotë, në V.
• Sallatat - ara, në J.
• Çiflig/u - ara në fushë, në P.
• Derven/i - ara, në L.
• Dubkat – ara në mal, në L.
• Dushqet - vend me lisa, lajthi e gështenja, në V.
• Fushë/a - ara, në JL.
• Fusha e Shagut - fushë, në J.
• Garagaçe/a - ara, në JP.
• Guri i Grihërave - gurë të mëdhenj në mal. Aty ngisnin spatat barinjtë.
• Guri i Mushkës - shkëmb ku thonë se ka kaluar një mushkë dhe ka lënë gjurmët e patkonjve e të gozhdëve, në V.
• Gur i Prerë – shkëmb, në L.
• Grykat - ara në një grykë, në fushë, në L.
• Hija e Zezë - faqe mali me pyll lisash, lajthish etj., në L.
• Humbat - ara, në V.
• Jazi i Mullirit - vijë mulliri, afër qendrës.
• Karagaç/i - (dru i zi) - arë, në V.
• Klishë/a - gërmadhë kishe, në P.
• Koblice - arë në fushë, në P.
• Kodra e Hasan Lalës - kodër, në V.
• Kodra e Shqipjes – kodër, në V.
• Kodrat e Ponçarës - ara kodrinorë, në P.
• Kopaçt - ara, në P.
• Koria e Koçillare - pyll, në L.
• Koria e Madhe - korie dhe toka të pjerrëta, në J.
• Koria e Mallinje – korie, në L.
• Koria e Mintanit (Mitanit) — korie, në L.
• Korroshytkat - ara e pyll, vend kodrinor, në L.
• Kostakicë/a - arë e kullotë, në L.
• Krenopole - ara, në J.
• Kroi i Pift (Piut) - krua, në L.
• Kroi i Shabanicës - krua nga i cili buron ujë i ftohtë, në L.
• Kroi i Yzbashit - krua, në V.
• Kroi i Xha Muharremit - krua, në V.
• Kroi i Xhovecit - krua, në L.
• Kroi i Xhurrave - krua, afër qendrës.
• Lëm i Mërizit - lëm, dikur aty ka qenë një mriz, në L.
• Lëmënjtë - lëmënj ku fshatarët shinin të lashtat, në qendër.
• Lëndina e Mullirit - lëndinë, në J.
• Lëndina e Vreshtave - lëndinë, në L.
• Lisi - arë, në P. Dikur aty ka qenë një lis shekullor.
• Luadh i Madh - kullotë, në V.
• Luadh i Ndrios - kullotë, në V.
• Lum i Shagut - lumë i cili kalon në mes të fshatit.
• Mal i Shagut – mal i fshatit, në J.
• Mburim i Ftohtë - burim që e ka ujin të ftohtë, në J.
• Mburim i Koblicës - burim, në J.
• Mburim i Kories Mitanit - burim, në L.
• Mburim i Luadhit Ndrios - burim, në V.
• Mëriz i Zi – mriz, në V.
• Mitromer/i - pyll me dushk, në VL.
• Mulliri Llupaçit - mulli, në P.
• Mulliri i Math — mulli, në J.
• Mulliri i Mullait – mulli, në J.
• Mytromer/i - greminë në mal, në L.
• Orman/i - ara, në VP.
• Padinia - tokë e pjerrët, në P.
• Pançovicë/a – kullotë, në V.
• Pandalicë/a - ara, në L.
• Përroi i Çifligut - përrua, në J.
• Përroi i Fellë - përrua i thellë dhe ara, në L.
• Plepat e Pepift (Pepiut) - plepa të mëdhenj, në J.
• Pyll i Tellogut - pyll me lisa e lajthi, në V.
• Qaf’ e Plepit - qafë që ndan me fshatin Terstikë.
• Selishtë/a - ara, në P.
• Sten’ e Bufit – shpellë e madhe në një shkëmb, në V.
• Shabanicë/a - ara, në L.
• Sharvoleskë/a - ara, në P.
• Topollovë/a - pyje dushku, në L.
• Vakëf/i - kodër me pyll lisash e shkozash e lajthish, ka qenë pronë e xhamisë së fshatit, në L.
• Varre të Mëdha - varret e fshatit, në L.
• Xhamia Buzë lumit - gërmadhë xhamie.
• Xhamia e Fshatit - xhami, afër qendrës.

Demografia

Familjet në fshatin Shag:(Para vitit 1923)

Beqiranj, Cekaj, Dokollarë, Hoxhanj, Jajai, Karamanë, Llupaçe, Maledhi, Mangerrë, Manllinj, Mulladilet, Nako/t, Qylanet, Shejlerë, Topalli, Xhaxhollinjtë, Xhurre, Xhurrallinj.

Lidhje të jashtme

• vendndodhja