Shkolla Normale "Zef Lush Marku" në Shkup

Shkolla Normale "Zef Lush Marku" në Shkup konsiderohet si njëri ndër institucionet më të rëndësishme të arsimit profesional në gjuhën shqipe, në Maqedoninë e periudhës pas Luftës së Dytë Botërore, më saktë në periudhën 1947 - 1972.

Historiku

Shkolla Normale "Zef Lush Marku" në Shkup zë fill në vitin shkollor 1947/48 pranë shkollës "Nikolla Karev".^[1] Drejtor i saj ishte pedagogu Rexhep Bajrami. Me kalimin e kohës, ky institucion edukativ do të shndërrohet në një qendër shumë të rëndësishme për pergatitjen e kuadrit arsimor për shkollat në gjuhën shqipe. Ndër arsimtarët e parë të Shkollës Normale "Zef Lush Marku" në Shkup ishin: Rexhep Bajrami, Vlash Gjelaj, Petro Janura, Josif Todi, Abedin Krasniqi, Nadire Krasniqi, Hysen Muhaxheri, Xhevat Gega, Eshref Saraçini, Shukri Rahimi, Fazli Syla, Menduh Begolli,^[2] Vangel Koxhomani^[3] etj. Gjatë veprimtarisë 24 vjeçare të këtij institucioni, diplomuan rreth 2200 mësues nga Maqedonia, Kosova, Lugina e Preshevës (Preshevë, Bujanoc, Medvegjë) dhe Mali i Zi. Pas mbylljes së këtij institucioni, përgatitja e kuadrit arsimor vazhdoi në Akademinë Pedagogjike "Kliment Ohridski" në Shkup.

Studentë të dalluar

Shih edhe

Referime dhe shënime

^ Fjalor Enciklopedik Shqiptar. ASHSH. Tiranë. 2008. fq. 2487.
^ Hajrullah Koliqi. Historia e arsimit dhe e mendimit pedagogjik shqiptar. Libri Shkollor. Prishtinë. 2002. fq. 484.
^ Shih faqen me titull: Rexhai Iseni

[1] Fjalor Enciklopedik Shqiptar. ASHSH. Tiranë. 2008. fq. 2487.

[2] Hajrullah Koliqi. Historia e arsimit dhe e mendimit pedagogjik shqiptar. Libri Shkollor. Prishtinë. 2002. fq. 484.

[3] Shih faqen me titull: Rexhai Iseni

[1]

[2]

[3]