Supë me petë dore (makarona të shtëpisë)

Supë me petë dore është ushqim i përgatitur kryesisht me mish pule, qepë, hudhër dhe përbërës tjerë.

Përbërësit

Për të përgatitur ushqimin për katër persona nevojiten :

- 1 pulë

- 3 qepë

- 6 thelpinj hudhër

- 50 g gjalpë ose vaj ulliri

- 2 l ujë

- 250 g petë shtëpie

- maidanoz, senf, krip, vegët, biber i zi, biber i kuq

Përgatitja

Në një enë grihen 2 ose tri qepë dhe hudhër sipas dëshirës. Fërgohen pak dhe i hudhet një pulë më parë e pastruar dhe e copëtuar dhe fërgohet edhe 15 minuta. Pastaj i hudhet një lugë kripë, një lugë vegët, pak piper i zi, pak piper i kuq dhe përzihet pak dhe i hudhen 2 litra ujë. Kështu lihet në temperaturë të ngadalshme deri sa të zihet mishi pastaj i hudhen makarona të shtëpisë sipas dëshirës varësisht sa dëshironi të jetë supa e dendur. Sipas dëshirës i hudhet majdanozi, kos, senf, etj.