Wikipedia:Unë redaktoj Wikipedia-n

Wikipedia ekziston falë punës së vullnetarëve të saj. Një strukturë e tillë është dëshmi e qartë e fuqisë e suksesit të punës vullnetare. Ajo synon grumbullimin e të gjitha njohurive njerëzore në një vend të vetëm e për këtë na duhet ndihma juaj.

Unë redaktoj Wikipedia-n është një fushatë 1 mujore, e organizuar në formë konkursi, e cila ka për qëllim rritjen e numrit të vullnetarëve dhe përmirësimin e përgjithshëm të Wikipedia-s shqip.

Redaktimet e bëra gjatë kësaj fushate do të vlerësohen me pikë dhe për vullnetarët me më shumë pikë do të ketë shpërblime simbolike.

Rregullat

Duke qenë se qëllimi kryesor është pjesëmarrja e vullnetarëve të rinj, në konkurs do të pranohen vetëm vullnetarët të cilët janë aktualisht krijues të jo më shumë se 2 artikujve.
Të gjithë pjesëmarrësit duhet të kenë llogari në Wikipedia. Për të krijuar një llogari, shtyp këtu.
Pasi të keni hyrë në llogarinë tuaj, duhet të shtypni këtu për tu bërë pjesë e konkursit.
Krijimi i artikujve të rinj do të vlerësohet me 20 pikë.
Ilustrimi i artikujve do të vlerësohet me 5 pikë.
Referimi i artikujve do të vlerësohet me 10 pikë.
Redaktimet në tekst do të vlerësohen me 5 pikë.
Për çdo 500 fjalë të shtuara në një artikull do të ketë një bonus prej 15 pikësh.

Qëllimet

Rritja e numrit të vullnetarëve në Wikipedia-n shqip.
Përmirësimi i përgjithshëm i artikujve aktualë.
Ndërgjegjësimi i publikut ndaj faktit se e tërë Wikipedia ekziston falë punës vullnetare.
Krijimi apo përmirësimi i të paktën 50 artikujve në Wikipedia-n shqip.

Vullnetarët e rinj

Unë redaktoj Wikipedia-n është një konkurs i ideuar për vullnetarët e rinj, kështu që, mungesa e përvojës nuk është problem për pjesëmarrjen. Për t'ju ndihmuar në redaktimet tuaja të para në Wikipedia shikoni faqet e mëposhtme.

Kontakte

Wikipedians of Albanian Language User Group - info@wikimediashqip.org