Jo-Jo Ma (org. Yo-Yo Ma) (lindur më 7 tetor 1955Paris) është një violonçelist amerikano-kinez i konsideruar ndër më të mirët në botë. Në fëmijëri ai luajti violinën, pastaj violën, para se të kaloj në çelo. Familja e tij u vendos në Nju Jork kur ai kishte shtatë vjet. Në moshën tetë vjeçare ai u paraqit në koncert me kompozitorin Leonard Bernstajn. Ndoqi Shkollën Juliard të Muzikës dhe pastaj shkoj në Harvard.

Ma dhe Kondolesa Rajs pas një dueti në çelo

Vlerësohen veçanërisht incizimet dhe shfaqjet e tij të suitave pa përcjellje të Johan Sebastian Bahut, por ai ka luajtur një numër të konsiderueshëm të muzikës kamertale.

Jo-Jo Ma ka luajtur dhe incizuar pjesë për violonçel nga tradita shumë të ndryshme duke filluar prej barokut në instrumente të kohës, muzikë blugres Amerikan, melodi tradicionale kineze, tango argjentinase, muzikë braziliane, e deri te kolona zanore e filmit Crouching Tiger Hidden Dragon. Momentalisht ai luan për projektin e tij, Ansambli i Rrugës së Fildishtë, i cili ka për qëllim të mbledhë së bashku muzikantë të ndryshëm prej vendeve që historikisht i ka lidhur rruga e fildishtë.

Ai ka fituar 14 çmime Gremi në gjashtë kategori të ndryshme.

Në janar 2006 sekretari gjeneral Kofi Anan lajmëroj se Ma do të marrë rolin e ri si Ambasador i Paqes i Kombeve të Bashkuara.