Wikipedia

Zaho Balili

Poet ,Shkrimtar (1951-2001)
(Përcjellë nga Zaho Balil)

Zaho Balili (Rexhin Tepelenë , 3 tetor 1951 - Athinë, 2001) ka qenë poet,rapsod ,shkrimtar shqiptar,dhe autor i iso-polifonisë labe.

Zaho Balili
Lindi3 tetor 1951
Rexhin (Tepelenë)
Vdiq3 tetor 2001
Athinë (Greqi)
KombësiaShqiptare
ProfesioniPoet,Shkrimtar
Njohur përAutor i iso-polifonisë labe, krijues,rapsod i Grupit Polifonik "Lot Kurbeti" Athinë (2001)
Vepra të shquara
Drithërimet e pranverës, Paskan çelur manushaqet ,Brengat e shpirtit, Lot kurbeti, Kur dy zemra dashurohen
Faqja në rrjetzahobalili.al

Biografia

Redakto

Zaho Balili mbaroi shkollën tetëvjeçare dhe të mesme në Tepelenë. Ai filloi të shkruajë në moshë shumë të re dhe është autori i disa vëllimeve, si: [1] Drithërimat e pranverës, Paskan çelur manushaqet, [2] Brengat e shpirtit, Lotë kurbeti dhe Kur dy zemra dashurohen.

Këngët e tij janë interpretuar nga shumë grupe labe, si grupet e Vlorës, Gjirokastrës dhe Tepelenës, me grupin kryesor, atë të Hormovës, të cilin ai e udhëhoqi në vitet '80. Me këtë grup, ai fitoi çmimin e parë në Festivalin Folklorik të Gjirokastrës në vitin 1985 me këngën Flaka mbuloi fshanë.

Një nga këngët më të njohura të tij është Balada e Nënës, e kënduar nga grupi i Vlorës në vitin 1997. Kjo këngë është kënduar edhe nga shumë këngëtarë të tjerë. Në vitin 2001, ai krijoi në Athinë grupin Lotë Kurbeti, i cili ka publikuar tre disqe me këngët e tij,në atë periudhë zgjidhet kryetar i shoqatës patriotike Labëria dega Athinë, si dhe kryetar i Lidhjes së Shkrimtarëve Shqiptarë në Greqi.Botues i disa shkrimeve, dhe poezive, në Gazetën e Athinës.

Zaho Balili u nda nga jeta në Athinë ditën e ditëlindjes së tij, më [3] 3 tetor 2001, si pasojë e një hemoragjie cerebrale. Tre nga vëllimet e tij u botuan pas vdekjes.

Veprat letrare

Redakto
  • Paskan çelur manushaqet – Poezi ,botuar në (1997)
  • Drithërimat e pranverës – Poezi, botuar në (1998)
  • Brengat e shpirtit – Poezi, botuar në (2001)
  • Puth ballin tënd Shqipëri – Poezi, botuar në (2002)
  • Lotë Kurbeti – Poezi, botuar në (2003)
  • Kur dy zemra dashurohen – Prozë, botuar në (2011)

Çmime dhe Vlerësime

Redakto
  1. Çmimi i parë në Takimin e Kulturës Masive të ndërmarrjeve të qytetit të Tepelenës (1980), me grupin amator të S.M.T.
  2. Çmimi i parë në Festivalin Folklorik të Gjirokastrës (1988) me këngën "Flaka mbuloi fshanë", kënduar nga grupi i Hormovës.
  3. Vlerësim i veçantë në Festivalin Folklorik të Gjirokastrës (1988) me këngën "13 male me këmbë", kënduar nga grupi i të rinjve të Rexhinit.
  4. Vlerësim i veçantë në Festivalin Folklorik të Gjirokastrës (2000) me këngën "Baladë për komisarin Arben Zylyftari", kënduar nga grupi i Hormovës.
  5. Në vitin 2002, Këshilli i Qarkut Gjirokastër i akordon titullin: "Personalitet i Shquar në Fushën e Artit dhe Kulturës" si këngëtar i shquar i këngës polifonike të trevave të jugut.
  6. Më 16 Korrik 2012, Presidenti i Republikës, z. Bamir Topi, i akordon urdhrin "Naim Frashëri" i Argjendtë me motivacionin: "Për kontribut të shquar në zhvillimin e folklorit të zonës së Tepelenës, veçanërisht me grupin e Hormovës, si drejtues i spikatur dhe rapsod."
  7. Më 31 Tetor 2014, Këshilli Bashkiak dhe Kryetari i Bashkisë Tepelenë, z. Tërmet Peçi, i akordon titullin "Qytetar Nderi", me motivacionin: "Për kontributin e vlefshëm në zhvillimin e folklorit të zonës së Tepelenës, veçanërisht me grupin e Hormovës, si drejtues dhe si rapsod."
  8. Më 24 Tetor 2015, Shoqata Vatra Labe, Athinë, i akordon titullin "Çertifikatë Nderi" me motivacionin: Shoqata Vatra Labe, i jep këtë fletë nderi pas vdekjes, krijuesit, rapsodit, këngëtarit dhe themeluesit të disa grupeve labe, poetit Zaho Balili. "Për ruajtjen, forcimin, zhvillimin dhe përhapjen e këngës polifonike labe, dhe për kontributin e madh të dhënë përmes krijimtarisë së tij në folkloristikë dhe polifoni."
  9. Çmimi i parë në Festivalin e Tetë Ndërkombëtar të Polifonisë Shqiptare "Bylis" (22 Shtator 2018) me këngën "Atje kemi Labërinë", kënduar nga grupi Lotë Kurbeti.

Referime

Redakto
  1. ^ "Biografia". Zaho Balili. 2021-03-12. Marrë më 2024-10-17.
  2. ^ "Tekste Shqip,Zaho Balili Profili". Tekste Shqip. 2023-10-04. Marrë më 2024-10-17.
  3. ^ "Rreth Zaho Balilit". Ora Shqiptare Blogspot. 2024-03-13. Marrë më 2024-10-17.

Lidhje të jashtme

Redakto
Marrë nga "https://sq.wikipedia.org/w/index.php?title=Zaho_Balili&oldid=2732110"