Wikipedia

Energjia e ripërtëritshme në Shqipëri

Energjia e ripërtëritshme në Shqipëri varion nga energjia e biomasës, gjeotermike, hidroenergjia, diellore dhe energjia e erës [1]. Shqipëria mbështetet kryesisht në burimet hidroelektrike, prandaj, ajo ka vështirësi kur niveli i ujit është i ulët. Shqipëria ka një potencial të bollshëm për energjinë diellore, të erës dhe gjeotermike. Klima në Shqipëri është mesdhetare kështu që ka potencial të konsiderueshëm për energji diellore [2]. Në mënyrë të ngjashme, ngritjet malore ofrojnë zona të mira për zhvillimin e projekteve për energjinë me erë. Ka edhe potencial për energjinë gjeotermike, pasi që Shqipëria ka puse natyrore.

Hidrocentralet Redakto

Burimi aktual i energjisë elektrike në Shqipëri është kryesisht nga hidrocentralet, megjithatë, kjo nuk është shumë e besueshme pasi niveli i ujit luhatet. Verbund, një kompani austriake, dhe Shqipëria kanë bërë një marrëveshje për ndërtimin e hidrocentralit të Ashtës në vitin 2012. Ajo llogaritet të furnizojë me energji elektrike rreth 100.000 familje [3].

Energjia diellore Redakto

Artikulli kryesor: Energjia diellore në Shqipëri


Programi për Mjedisin i Kombeve të Bashkuara është duke mbështetur një program për të instaluar panele diellore në Shqipëri. Ky program është menduar që të investohen $2.75 milion dollarë për të instaluar 75,000m2 panele diellore. Deri në vitin 2010, 10,700m2 panele diellore ishin instaluar. Edhe 50,000 km2 panele diellore pritet të instalohen deri në vitin 2015 [3]. Shqipëri merr rreth 2100-2700 orë rreze diellore brenda vitit, kështu që ka potencial të madh për energji solare [4].Energjisë diellore është lehtë të arritshme pasi që shumica e energjisë vjen direkt ose indirekt nga dielli. Ajo mund të përdoret për ngrohje dhe ndriçim të shtëpive, bizneseve dhe ndërtesave industriale [5].

Energjia e erës Redakto

Shqipëria ka potencial për energjinë e erës, por teknologjia nuk është zhvilluar. Megjithatë, ka plane për zhvillimin e projekteve për shfrytëzimin e erës në vitet e ardhshme. Ekziston një propozim plan, që do mund të fitohet 2000 MW energji nga era. Era gjeneron fuqi mekanike nëpër turbinave të erës. Disa lokacione gjeografike janë më mirë se të tjerët, sepse fuqia e erës varet nga shpejtësia e erës. Ultësirat bregdetare dhe Jugore, Lindore, si dhe malet në Veri të Shqipërisë janë zona të mira për turbinat e erës. Megjithatë, ekzistojnë edhe pengesat të cilat marrin pjesë në zgjedhjen e një lokacioni, duke përfshirë: lartësia, qasja e vendit, infrastruktura, zonat e mbrojtura, dhe rrjeti i energjisë. Shpejtësia e erës është 8–9 m/s në shumë zona të Shqipërisë. Shqipëria energjinë e erës të tepërt mund të eksportojë në Itali [3].

Energjia gjeotermike Redakto

Energjia gjeotermike gjithashtu mund të përdoret në Shqipëri. Ajo vjen nga burimet e nxehtesise se ujit nëntokësor. Energjia gjeotermike vjen nga të nxehtit të gjeneruara nga Toka. Ka disa pika që quhen pika të nxehta që gjenerojnë më shumë nxehtësi se të tjerat. Ka puse natyrore pranë kufirit të Shqipërisë me Greqinë. Kjo energji mund të përdoret për qëllime të nxemjes. Energjia gjeotermike në Shqipëri është nën studim dhe nuk ka pasur përpjekje për të përdorur atë ende [2].

Shih edhe Redakto

Referime Redakto

  1. ^ Anisa Xhitoni (23 korrik 2013). "Renewable energy scenarios for Albania" (PDF). Arkivuar nga origjinali (PDF) më 24 dhjetor 2013. Marrë më 2014-08-23. {{cite web}}: Mungon ose është bosh parametri |language= (Ndihmë!)
  2. ^ a b "Renewable Energy and Energy Efficiency in Albania" (PDF). aea-al.org. Arkivuar nga origjinali (PDF) më 13 qershor 2013. Marrë më 13 gusht 2015. {{cite web}}: Mungon ose është bosh parametri |language= (Ndihmë!)
  3. ^ a b c TUGU, Fatjon. "Energjia e Ripërtëritshme në Shqipëri" (PDF). www.energy-community.org. Arkivuar nga origjinali (PDF) më 4 mars 2012. Marrë më 13 gusht 2015. {{cite web}}: Mungon ose është bosh parametri |language= (Ndihmë!)
  4. ^ "Energjia Diellore n Shqipëri". www.sq.wikipedia.org. Marrë më 13 gusht 2015. {{cite web}}: Mungon ose është bosh parametri |language= (Ndihmë!)
  5. ^ O'Brien, John. "Here comes the sun: Albania passes law on renewable energy". http://europeandcis.undp.org/. Arkivuar nga origjinali më 29 nëntor 2014. Marrë më 17 nëntor 2014. {{cite web}}: Lidhje e jashtme në |website= (Ndihmë!); Mungon ose është bosh parametri |language= (Ndihmë!)

Lidhje të jashtme Redakto

  Commons: Energjia e ripërtëritshme në Shqipëri – Album me fotografi dhe/apo video dhe materiale multimediale
Marrë nga "https://sq.wikipedia.org/w/index.php?title=Energjia_e_ripërtëritshme_në_Shqipëri&oldid=2492834"