Enuma Elish

Enūma eliš (e shkruar edhe Enuma Elish) ose Epika e Krijimit, është eposi babilonas i krijimit të botës. Domethënie fjalë për fjalë Kur të ngrihet në gjuhën akadiane, sipas fjalëve të tij të para (incipit), Enūma eliš kremton nëpërmjet shtatë pllakave lavdinë e perëndisë Marduk dhe rrëfen ngritjen e tij drejt sovranitetit të panteonit babilonas. Teksti u zbulua në shekullin e 19-të, formën e fragmenteve në rrënojat e Bibliotekës së Assurbanipal në Nineveh, një qytet afër Mosulit të sotëm, në Irak. Shumica e tabletës së pestë nuk është gjetur akoma. Përveç këtij boshllëku, teksti është pothuajse i plotë.

Beteja e Mardukut.

Poema ndoshta është kompozuar në fund të shekullit të 12 para Krishtit, gjatë mbretërimit të Nebukadnetsarit I, në të njëjtën kohë me tekstet e topografisë kultike të Babilonisë. Megjithatë, versionet që na kanë arritur janë më të fundit. Pas zhdukjes së Babilonisë, teksti u kopjua shpesh nga Persianët, më pas u transmetua dhe u mbajt në kujtesë deri në shekullin e ^V (Pestë) të epokës sonë nga filozofi neoplatonik Damascios .

Eposi përshkruan origjinën e kozmosit, luftën e perëndive të para kundër forcave të kaosit dhe ngritjen e Mardukut, perëndisë kujdestare të Babilonisë, mbi hyjnitë e tjera të Mesopotamisë, si dhe krijimin e botës dhe të njeriut.