Farah Abdullahi Abdi
Farah Abdullahi Abdi (21 korrik 1995) është një aktiviste për të drejtat e njeriut. Ajo është një refugjate nga Somalia [1] dhe zyrtare politike për azilin dhe migracionin në organizatën "Transgender Europe". [2]
Farah Abdullahi Abdi | |
|---|---|
 Farah Abdullahi Abdi at Europride Malta | |
| U lind në | 21 korrik 1995 Beledweyne, Somalia |
| Profesioni |
|
| Vite aktiviteti | 2015–prezente |
Jeta e hershme dhe arratisja në Maltë
RedaktoBashkë me familjen, Faraha u largua nga Somalia gjatë luftës në moshën trevjeçare. [3] Fillimisht qëndroi në një kamp refugjatësh. Më pas u rrit në Nairobi, Kenia. Babai i saj ishte mysliman praktikant dhe falej e lexonte kuranin. Faraha i përshkruan prindërit e saj si konservatorë dhe punëtorë. Ajo e përshkruan nënën dhe gjyshen e saj, të cilat nxitën tek ajo ndjenjën e fortë të vetëvlerësimit në moshë të hershme. Prindërit i dhanë asaj dhe vëllait të saj një arsim të mirë. Faraha flet 3 gjuhë: anglisht dhe suahilisht, si somalisht. Ndërsa rritej, ajo fshihte interesin e saj për muzikën, kulturën amerikane, modën dhe aktrimin nga familja e saj dhe më vonë edhe seksualitetin dhe identitetin e saj gjinor.[4] Për shkak të mospranimit e të qenit gej dhe transgjinor, ajo u arratis përsëri në moshën 16-vjeçare nga Uganda, Sudani Jugor, Sudanit dhe Libisë për në Maltë. Gjatë fluturimit, ajo u burgos pesë herë, u torturua dhe u keqtrajtua dhe u detyrua të punonte pa pagesë në ndërtim në Libi. Kostoja e arratisjes nga Kenia në Maltë ishte 12.000 dollarë amerikanë në total për familjen e saj. Faraha mbërriti në Maltë në vitin 2012. Ajo iku nga Somalia nëpërmjet Libisë dhe erdhi në Maltë me varkë. Pas mbërritjes së saj, Faraha punoi si përkthyese për OJQ-të vendase dhe gjithashtu punoi në një restorant në Senglea.
Aktivizmi
RedaktoPasi mbërriti në Maltë, Faraha u ndalua fillimisht edhe pse ishte e mitur. Ajo arriti të fliste me një terapist në lidhje me identitetin e saj seksual dhe gjinor në vendin e saj. Ajo u lirua shumë shpejt. Faraha filloi të punonte për gazetën malteze "Malta Today". Ajo shkroi për keqtrajtimin dhe gjendjen e emigrantëve në Maltë dhe u bë e njohur veçanërisht në mesin e popullatës migrante të Maltës. Faraha deklaroi se ata ishin atje "për të punuar dhe kontribuar në shoqëri". Ajo u kritikua për sinqeritetin e saj nga njerëz që ishin kundër imigrimit. Në vitin 2014, Faraha foli para Parlamentit Evropian me mbështetjen e organizatës "Terre Des Hommes" gjatë eventit "Destinacioni im është i panjohur" dhe advokoi për mbrojtjen e refugjatëve të mitur dhe fëmijëve. Ajo botoi një autobiografi të quajtur "Never arrive" në 2015.[5]
Zhvendosja në Berlin
RedaktoFarah Abdiu u zhvendos në Berlin dhe punon si oficere për azil dhe komunikim në organizatën "Transgender Europe". Ajo është një anëtare e fondacionit "Alfred Landecker" për demokracinë, një anëtare e fondacionit "Torschreiber" për shkrimtarët në mërgim dhe gjithashtu ka marrë një "Bursë për Evropën Dixhitale" për promovimin e demokracisë në internet.[6]
Referime
Redakto- ^ "Farah Abdullahi Abdi". coe.int (në anglisht). World Forum for Democracy. Marrë më 23 shtator 2023.
- ^ "Program Europride 2023". europride2023.mt (në anglisht). Marrë më 23 shtator 2023.
- ^ "Farah Abdi". Malta today (në anglisht).
- ^ Ratsch‐Menke, Britta. "Laudatio für Farah Abdullahi Abdi" (PDF). dieschwelle (në gjermanisht).
- ^ "Book reading of Never Arrive". unhcr.org (në anglisht).
- ^ "Farah Abdi". humanityinaction.org (në anglisht). 7 tetor 2022.