Gaspër Gjini

Dom Gaspër Gjini prifti e studiuesi i madh shqiptar nga Kosova, lindi më 24 shtator 1930 në Ferizaj, në familjen e madhe të Kolës e të Dushe Gjinit, që lindën, rritën e edukuan 12 fëmijë.

Artikull i palidhur

Kjo faqe është e palidhur nga faqe të tjera.
Ndihmoni që faqet e tjera me temë të ngjashme të lidhen me të. (Data: shtator 2012)

Gaspri u shugurua meshtar më 2 korrik 1955. Më vonë shkoi në Romë, ku pas studimeve në Universitetin Papnor Urbaniana, më 1968 mbrojti doktoratën me temë “Mbi burimet historiko-juridike të Kishës së Shkupit”.

Pjesën më të madhe të jetës ia kushtoi veprimtarisë baritore, në fillim si sekretar i ipeshkvit, më pas si kancelar i dioqezës dhe si famullitar në Ferizaj e në Shkup. Vite me radhë shërbeu si kryetar i Gjyqit kishtar e si bashkëpunëtor i zellshëm i revistës fetaro-kulturore “Drita”. Gjatë kësaj kohe don Gaspër Gjini përpiloi dhe botoi librin e uratëve “Shűjta shpirtërore” e shkrime tjera mbi Koncilin e Dytë të Vatikanit.

Mbylli sytë 25 vjet më parë, si sot, më 7 mars 1985 në spitalin e Beogradit, në sa ishte në kulmin e pjekurisë shkencore. Don Gaspër Gjini qe njeri me virtyte të rralla, me kulturë poliedrike, na la trashëgim veprën madhore postume : "Ipeshkvia Shkup -Prizren nëpër shekuj", botuar në Zagreb, më 1992.