Gjyldane Mulla

Gjyldane Mulla (1941, Pejë) është sociologe dhe profesoreshë universitare kosovare, e para grua me titullin doktor i sociologjisë në Kosovë, rektore e Kolegjit Dardania në Prizren, Kosovë. ^[1]

Biografia

Mulla ka lindur në Pejë ku ka kryer edhe arsimin fillor dhe të mesëm. Mbaroi studimet për filozofi në Fakultetin Filozofik të Universitetit të Sarajevës. Kreu studimet pasuniversitare dhe u doktorua në Sarajevë, ndërsa specializimin e mbaroi në Universitetin e Pitsburgut, SHBA. Nisi punë në Fakultetin Filozofik të Universitetit të Prishtinës më 1970 dhe vite me radhë ligjëroi lëndë të ndryshme në disa degë të këtij fakulteti (sociologji të përgjithshme, histori shoqërore, pedagogji të përgjithshme, antropologji urbane etj.) deri më 2006, kur u pensionua.

Fushë e interesimit studimor të saj ishin sociologjia e përgjithshme, sociologjia urbane, sociologjia e fshatit, zhvillimi i shoqërive bashkëkohore, sociologjia e edukimit etj.

Ajo ka dhënë mësim edhe në Kolegjin Dardania që nga viti 2003. Lëndët të cilat i ka ligjëruar janë: Sociologjia e përgjithshme në Fakultetin Filologjik dhe në departamentet e tjera të Fakultetit Filozofik (Histori, Pedagogji). Ajo ka ligjëruar edhe lëndët, Sociologjia e vendbanimeve, Sociologjia urbane, Zhvillimi i shoqërive bashkëkohore, dhe Sociologjia e arsimit.

Ajo ka shkruar gjerësisht për sociologjinë urbane, shtresimin social dhe studimet gjinore. Mulla është anëtare e Akademisë së Shkencave dhe Arteve të Kosovës. Është gjithashtu anëtare e redaksisë së revistës “Sociologjia”.

Krahas punës akademike, Mulla është aktive edhe në jetën publike. Ajo është anëtare e bordit të drejtorëve të disa OJQ-ve dhe ka qenë konsulente e Qeverisë së Kosovës për çështje të politikave sociale. Ajo është një figurë udhëheqëse në fushën e sociologjisë në Kosovë. Puna e saj ka ndihmuar në formësimin e të kuptuarit të zhvillimit urban, pabarazisë sociale dhe marrëdhënieve gjinore në Kosovë.^[2]

Publikime

Sociologjia Urbane (Urban Sociology)
Stratifikimi Social në Kosovë (Social Stratification in Kosovo)
Gjinia dhe Zhvillimi (Gender and Development)
Familja në Kosovë: Ndryshime dhe Sfida (The Family in Kosovo: Changes and Challenges)
Kultura e Varfërisë në Kosovë (The Culture of Poverty in Kosovo)

Shih edhe

Sociologjia

Referime

^ Kraja, Mehmet, red. (2018). "Fjalori Enciklopedik i Kosovës". (Encyclopedic Dictionary of Kosova). Vëll. 2. Prishtinë: Akademia e Shkencave dhe e Arteve e Kosovës. fq. 1143. ISBN 9789951615846. OCLC 1080379844.
^ Luci, Nita. "NJOHJA journal #2". Njohja (në anglisht).

[FEK2-1] Kraja, Mehmet, red. (2018). "Fjalori Enciklopedik i Kosovës". (Encyclopedic Dictionary of Kosova). Vëll. 2. Prishtinë: Akademia e Shkencave dhe e Arteve e Kosovës. fq. 1143. ISBN 9789951615846. OCLC 1080379844.

[2] Luci, Nita. "NJOHJA journal #2". Njohja (në anglisht).

[1]

[2]