Gungnir

Në mitologjinë nordike, Gungnir (Nordishtja e vjetër: Gungnir, tundem) është shtiza e perëndisë Odin. Është i njohur për të goditur gjithmonë objektivin e sulmuesit, pavarësisht nga aftësia e sulmuesit.

Odin i hipur mbi kalin e tij Sleipnir (këtu shfaqet me katër këmbë ndrysha nga karateristika e tij që është me tetë) dhe duke mbjatur Gungnir në dorën e tij.

Vërtetime

Edda poetike

Në poemën e Edda poetike Völuspá, Lufta Æsir–Vanir përshkruhet se fillon zyrtarisht kur Odin hedh një shtizë mbi kokat e një asambleje perëndish Vanir. Megjithatë, nuk dihet nëse kjo ishte apo jo konkretisht Gungnir. Në Sigrdrífumál, valkyrie Sigrdrífa këshillon Sigurdin për aplikimin magjik të runes. Ajo i jep Sigurdit këshilla dhe ndan me të dije, duke përfshirë se runat ishin gdhendur në majë të Gungnir.

Edda prozaike

Sipas kapitullit 51 të librit Edda prozaike, Gylfaginning, Odin do të kalërojë përpara Einherjar ndërsa përparon në fushën e betejës në Ragnarök i veshur me një helmetë ari, një mantel mbresëlënës poste dhe duke mbajtur Gungnir. Më pas ai do të sulmojë me të ujkun Fenrir.

Në Skáldskaparmál, paraqitet më shumë informacion në lidhje me shtizën. Shtiza u krijua nga xhuxhët e njohur si Bijtë e Ivaldit nën mjeshtërinë e xhuxhit farkëtar Dvalin. Shtiza u mor nga xhuxhët nga Loki, rezultat i një skeme që ai sajoi si një dëmshpërblim të pjesshëm për prerjen e flokëve të perëndeshës Sif. Shtiza përshkruhet si e ekuilibruar aq mirë sa mund të godiste çdo objektiv, pavarësisht nga aftësia ose forca e mbajtësit.