Hoçë e Qytetit është një vendbanim në komunën e Prizrenit, Kosovë. Pas vitit 1999 fshati është i njohur edhe me emrin Hoçë.

Hoçë e Qytetit
Hoçë
Fshat

Gjeografia Redakto

Hoça e Qytetit, si qendër e regjionit të Vërrinit, përkatësisht e fshatrave Billushë, Jeshkovë, Poslisht, Lubiçevë, Lez, Leskovec dhe Kushnin, shtrihet në të majtë të lumit Lumëbardh. Ndodhet shtatë kilometra larg qytetit të Prizrenit, përkatësisht në të majtë të rrugës që Prizrenin e lidhë me Tiranën.

Pozicioni gjeografik i hapësirës së Hoçës së Qytetit ndodhet i përcaktuar ndërmjet koordinatave të gjerësisë gjeografike veriore: 42° 10' 28" dhe gjatësisë gjeografike lindore: 20° 41' 29". Ky vendbanim, që po merr shtrirje gjithnjë e më të gjerë në të gjitha drejtimet, ndodhet në pjesën jug-lindore të qytetit të Prizrenit. Në jug-lindje kufizohet me fshatin Lybeçevë dhe fshatin Jeshkovë, kurse në jug-perëndim kufizohet me fshatrat Billushë dhe Poslisht.

Ka pozitë tejet të volitshme gjeogafike, me klimë kontinentale. Këtu dukshëm hetohet ndikimi i klimës së bjeshkëve të Sharrit por edhe i asaj të Detit Adriatik që deporton përmes Luginës së Drinit të Bardhë. Mu nga ndikimi i masave të ajrit, dimrat janë më pak të ftohtë kurse vera e nxehtë dhe e thatë. Temperaturat në janar si muajin më të ftohtë dhe korrik, muajin më të nxehtë, janë të ngjashme me ato të Prizrenit. Dielli gjatë vitit shkëlqen mëse 2150 orë. Hoça e Qytetit dhe fshatrat tjera të Vërrinit, shtrihen rrëzë vargmaleve pitoreske të Sharrit dhe nën bjeshkën e Cylenit me lartësinë mbidetare prej 1381 metrash.

Historia Redakto

Në burimet arkivore fshati Hoçë e Qytetit për herë të parë përmendet si Hodca nën Cyle.Në dokumentet e shkruara përmendet me emrin Hoça nën Cvilen në kartën e Mbretit Dushan të Shenjëtorëve Mihal dhe Gabriel afër Prizrenit, të viti 1348. Banorët e këtij vendbanimi përmenden edhe në librin e kujtimeve të Manastirit të Shën Trinës i cili ka filluar të mbahej prej vitit 1465.Ndërkaq me emra të ndryshëm paraqitet në disa dokumente të rëndësishme historike si Hoçë, Grad Hoça, Hoça e Gjytetit, Hoça e Zagragjës, Hoça e Qytetit etj. Emri Hoçë ka të bëj me fisin shqiptar të Hotit.

Shih dhe këtë Redakto

Lidhje të jashtme Redakto