Jerotheo Andon Jaho

Jerotheo Andon Jaho ishte një peshkop shqiptar nga Përmeti.

Jeta

Mbas Kongresit te Beratit, i mbajtur në gusht të vitit 1922 ku u miratua me rezolutë unanime Kisha Ortodokse e Shqipërisë të bëhet veteqeverisëse, ashtu si të gjitha kishat e tjera në shtetet e Ballkanit dhe që mitropolitët e dioqezave shqiptare të ishin qytetarë shqiptarë të shuguruar nga patriarku i Kostandinopojës, si dhe që treti gjuha shqipe të përdorej në të gjitha shërbesat kishtare, patriarku i Kostandinopojës emëroi Jerotheo Andon Jahon, peshkop i Miletupolisit, si zëvendësin e tij të plotfuqishem për të studiuar gjendjen në vend dhe për të marrë të gjitha masat e nevojshme që të zbatoheshin rezolutat e Kongresit të Beratit.

I shoqëruar nga Kristofor Kisi, peshkop i Sinadonit, Jerotheo mbërriti në Korçë në vjeshtë të vitit 1923. Më 21 nëntor 1923 në Katedralen e Shën Gjergjit në Korçe, Fan Noli u shugurua mitropolit të dioqezës së Durrësit, e cila permblidhte edhe Tiranën, kryeqytetin e Shqipërisë, Jerotheo u shugurua peshkop i dioqezës së Korçës dhe zëvendësmitropolit i dioqezës së Gjirokastrës dhe Kristofor Kisi peshkop i dioqezës së Beratit, e cila përmblidhte edhe Vlorën.