Kolegji
Kolegji (latinisht: collegium) është një institucion arsimor i pavarur ose pjesë përbërëse e një institucioni arsimor. Përdorimi i termit kolegji ndryshon midis shteteve, ku për disa termi Kolegj nënkupton një institucion të arsimit të lartë, ose një pjesë përbërëse të një universiteti, ndërsa për disa të tjerë ky term nënkupton institucione parauniversitare ose institucione të arsimit profesional.
Në Shtetet e Bashkuara dhe Mbretërinë e Bashkuar, me Kolegj zyrtarisht i referohemi një pjese përbërëse të një universiteti ose një institucioni të arsimit të lartë të pavarur, por termi "kolegj" dhe "universitet" shpesh përdoren në vend të njëri-tjetrit në ShBA,[1] ndërsa në Evropën kontinentale me Kolegj më së shumti i referohemi një shkolle të mesme të përgjithshme (gjimnaz) ose një shkolle të mesme profesionale.