Konrad Kyeser

Konrad Kyeser (26 gusht 1366, Eichstätt - mbas 1405) ka qene një teknik lufte gjerman dhe shkrimtar për shkrime të specializuara te Evropës për mesjetën e vonë.

Jeta dhe vepra

Konrad Kyeser ishte një inxhinier ushtarak gjerman, autor i veprës në dorëshkrim Bellifortis (1405), një libër mbi teknologjinë ushtarake të njohur gjatë shekullit XV. Fillimisht i konceptuar për Mbretin Wenceslaus, Kyeser ia dedikoi veprën e tij Rupertit të Gjermanisë.

Kyeser, i lindur në Eichstätt, fillimisht u përgatit si mjek dhe jetonte në oborrin e Padovës para se të bashkohej me kryqëzatën kundër turqve e cila përfundoi me fatkeqësi në Betejën e Nikopolisit në vitin 1396. Kyeser më vonë iku në mërgim në një fshat malor të Bohemisë gjatë sundimi të Sigismundit në vitet 1402-1403. ^[1]

Vepra Bellifortis për herë të parë u publikua në vitin 1967 në Düsseldorf të Gjermanisë. Po në këtë vit, dy studiues, Dh. Todericiu dhe D. Polena nga Bukureshti, pohuan se gjetën një tekst të shkurtër në gjuhën shqipe të futur në tekstin Bellifortis. Aty në fletën 153 verso, teksti latin ndërpritet prej dy insertesh. Studiuesit në fjalë mundën ta dëshifrojnë tekstin në vija të përgjithshme dhe mbërritën në përfundimin se kishin të bënin me një dokument të gjuhës shqipe. ^[2] ^[3] ^[4]