Kuzhina oksitane

Kuzhina oksitane është kuzhina tradicionale dhe gastronomia e Ocitanisë, rajoni tejkombëtar ku flitet tradicionalisht oksitanishtja .

Një copë pastís de treflas, një lloj byreku me patate

Caçolet ( cassoulet ), një pjatë shembullore e kuzhinës oksitane

Një fetë clafoutis, një ëmbëlsirë me bazë qershie

Prezantimi

Kuzhina oksitane është një lloj kuzhine mesdhetare, shumë afër kuzhinës katalanase në perëndim dhe kuzhinës italiane në lindje. Kjo është për shkak jo vetëm të gjerësisë së madhe të rajonit, i cili zgjatet nga Oqeani Atlantik, në Jug të Francës e në Detin Mesdhe, por edhe për shumëllojshmërinë gjeografike, e cila i jep kuzhinës oksitane shumë lloje të ndryshme përbërësish dhe pjatash të përshtatura për vende të ndryshme. 

Ashtu si me kuzhinat e tjera mesdhetare, ajo ka përbërës bazë me shije të forta, si hudhra, ullinj, peshk i kripur, vaj ulliri dhe verë, por gjithashtu ndan disa karakteristika me kuzhinat e Atlantikut, si përdorimi i djathit dhe gjalpit . Disa nga specialitetet e kësaj kuzhine janë të njohura në të gjithë Mesdheun, ku ekzistojnë saktësisht në të njëjtën formë, përndryshe me pak ndryshime - për shembull, bolhabaissa, alhòli, ratatolha, dhe pan golçat (bukë me hudhër), me theks të veçantë te barishtet e holla . Specialitete të tjera përfshijnë caçolet, pastís de treflas, aligòt, farcidures (patate dhe toptha mishi), freginat (frikase e mishit të derrit), clafotís, flaunharda dhe garbure .