Leximi i shpejtë
Leximi i shpejtë është një mënyrë leximi i shpejtë duke rrokur disa fjalë apo fraza me një shikim.
Leximi i shpejtë është një ecuri leximi i përzgjedhur, me të cilin një lexues rrit shpejtësinë e leximit të tij, duke u përpjekur njëkohësisht të kuptojë, dhe mbajë mend sa të jetë e mundur më shumë përmbajtjen e tekstit. Pra, leximi i shpejtë është aftësia e të kuptuarit dhe të lexuarit të shpejtë mbi mesataren. Ka shumë teknika me të cilat mund të mësohet leximi i shpejtë si p.sh. : SpeedReading, PhotoReading, ScanReading etj. Kjo mënyrë rrit shpejtësinë e leximit, por edhe zvogëlimin e të kuptuarit (nën 50 %), krahasuar me leximin normal për të kuptuarin (mbi 75 %). Kjo përqindje e të kuptuarit është e papranueshme kur studiohet, apo mësohet një lëndë e re, por kur hulumtohet, kërkohet për një përgjigje, për një pyetje të veçantë në rrjet, apo lexohen romane ky nivel kuptim mendohet nga përkrahësit e kësaj teknike i mjaftueshëm. (Abela 2004)
Një lexues mesatar, i ushtruar mund të lexojë rreth 200-400 fjalë në minutë, (përtej këtij kufiri aftësia e të kuptuarit të tekstit të lexuar bie) kur nuk bëhet fjalë për lëndë të ndërlikuara shpjeguese teknike. Është treguar që është e mundur të lexohet me një vlerë prej 1000 fjalësh në minutë (fnm), me një kuptim 100 % (të paktën në pikëpamje ininformuese).