Lumi i Mirushës
Lumi i Mirushës buron në perëndim të maleve të Carralevës. Në pjesën e epërme deri në Malishevë njihet me emrin Lumi i Banjës, për arsye se kalon përmes fshatit Banjë, për këtë edhe e ka marr emrin. Në bazë të dhënave të hulumtuara deri tani gjatësia e lumit Mirusha është 32‐37 km, ky dallim është ngase varët se nga cili burim ujor është marrë gjatësia e lumit. Gjithashtu janë tri shënime të ndryshme sa i përket ujëmbledhësit të lumit Mirusha me sipërfaqe 297, 336 dhe 357 km². Sipas shënimeve zyrtare që janë marrë nga departamenti i ujëvarave sipërfaqja e përgjithshme e ujëmbledhësit Mirusha është 336.7 km². Rrjeti hidrografik i lumit Mirusha në përgjithësi është asimetrik pa i marrë parasysh rrjedhjet e shumta të përroskave dhe përrenjve në të djathtë të lumit Mirusha, në raport me ato të majta.[1]
Lumi Mirusha është një ndër lumenjtë më të bukur të Kosovës. Ai në pjesën përfundimtare të rrjedhës së tij kalon nëpër një grykë e cila njihet si Kanjoni i lumit Mirusha. Monumenti Natyror i Mirushës gjendet në të dy anët e rrjedhës së lumit Mirusha që nga fillimi i kanjonit deri gati në derdhjen e tij në lumin Drini i Bardhë.[1]
Lumi Mirusha duke kaluar përmes territorit të parkut, përgjatë rrjedhës së tij krijon 12 ujëvara dhe 16 liqene të cilat së bashku krijojnë një fenomen të rrallë morfo‐hidrologjik dhe shumë atraktiv për vizitorë. [2]
Shih edhe
Redakto
Referime
Redakto- ^ a b "Draft Plani Hapësinor:Monumenti i Natyrës me rëndësi të veçantë "Ujëvarat e Mirushës"" (PDF). Arkivuar nga origjinali (PDF) më 10 janar 2015. Marrë më 22 prill 2020.
- ^ Mirusha sa Geonames.org (cc-by); post updated 2012-01-19; database download sa 2015-05-23