Mariela Castro

Mirela Castro Espín (lindur në 27 qershor 1962) është drejtuesja e Qendrës Kombëtare Kubane për Edukimin Seksual në Havana si dhe një aktiviste për të drejtat LGBT në Kubë. Ajo është vajza e ish-presidentit kubanez Raúl Castro dhe feministes e revolucionares Vilma Espín, si dhe mbesa e presidentit të dikurshëm Fidel Castro.

Mariela Castro

Fillimet në jetë

Mariela Castro në Paradën e Krenarisë në 2010 në Hamburg

Mariela Castro është e bija e ish-presidentit kubanez Raúl Castro dhe feministes dhe revolucionares Vilma Espín, si dhe mbesa e presidentit të dikurshëm Fidel Castro. Ajo ka një vëlla me emrin Alejandro Castro Espín.

Karriera

Fushatat e saj ndërgjegjësuese fokusohen në parandalimin e Sidës si dhe njohjen dhe advancimin e të drejtave LGBT. Në 2005 ajo propozoi një projekt për lejimin e personave transgjinorë që ti nënshtrohen kirurgjisë së ndryshimit të seksit si dhe ndryshimin e gjinisë në dokumentet zyrtare. Ky projekt erdhi në jetë në qershor 2008 që lejon persona të komunitetit trans të ndryshojë seksin në shtetin kubanez pa ndonjë tarifë.

Castro ka publikuar 13 artikuj akademikë dhe 9 libra. Castro është anëtarë pranë Asamblesë Kombëtare People’s Power. Kur asambleja votoi në 2014 për të ndaluar diskriminimin mbi bazën e orientimit seksual në punësim, Castro e kundërshtoi legjislacionin pasi nuk përfshiu mbrotjen nga diskriminimi me bazë identitetin gjinor, duke u shndërruar në këtë mënyrë në ligjvënësen e parë që votoi kundër një propozimi të legjislacionit.

Jeta personale

Castro është e martuar me italianin Paolo Titolo, Menaxher i Përgjithshëm pranë Amorim Negócios Internacionais, S.A. në Kubë, si dhe ka dy fëmijë me të. Castro ka një tjetër vajzë nga martesa e saj e mëparshme me aktivistin kilian, Juan Gutiérrez Fischmann.