Masar Aga
Masar Aga u rreshtua në radhët e antifashistëve qysh në ditët e para të Luftës Anti-fashiste Nacional-Çlirimtare. U plagos gjatë luftimeve kundër forcave gjermane në dhjetor 1944, në Tuz të Jugosllavisë. Në vitin 1945 ka filluar studimet në shkollën e aviacionit jugosllav bashkë me shokët e tij Niko Hoxha, Edip Ohri, Fahri Bubësi, Pertef Myftari, Ibish Vokshi, Zyhdi Rada, Sazan Xhelo, Irakli Grazhdani, etj. Ka shërbyer për shumë vite në armën e aviacionit luftarak në detyra të ndryshme. Ai ka qenë edhe një nga sportistët më me emër për kohën.
Mban titullin “Mjeshtër i Merituar i Sportit” dhe konsiderohet themeluesi i ekipit kombëtar të volejbollit, duke qenë trajner dhe kapiten i këtij ekipi nga viti 1948 deri më 1964. Aktualisht është president i shoqatës “Aviatori”.