Ministria e Drejtësisë e Kosovës

Ministria e Drejtësisë është sektor i qeverisë. Roli dhe misioni i Ministrisë mbështetet në dispozitat ligjore, përkatësisht në Nenin 18 (1) (Shtojca 1) të Rregullores së Qeverisë nr. 02/2011 për fushat e përgjegjësisë administrative të Zyrës së Kryeministrit dhe Ministrive, si dhe dispozitave tjera në fuqi nga të cilat rrjedhin këto funksione dhe përgjegjësi, si në vijim:

• Zhvillon politikën brenda fushës së saj të përgjegjësisë, mundëson përgatitjen dhe zbatimin e legjislacionit në fushën e drejtësisë;

Ministria e Drejtësisë e Kosovës

Shkurtesa	MD
Lloji	ministri qeveritare
Selia	Ndërtesa e Qeverisë
Vendndodhja	Prishtinë
Rajoni i shërbimit	Republika e Kosovës
Gjuha zyrtare	shqip, serbisht
Ministër	Albulena Haxhiu
Organizata amë	Qeveria e Kosovës
Faqja në internet	https://md.rks-gov.net/

• Menaxhon çështjet administrative, financiare dhe buxhetore të Ministrisë;

• Ushtron mbikëqyrje ekzekutive mbi tërë shërbimin korrektues dhe shërbimin sprovues, në pajtim me dispozitat në fuqi;

• Zhvillon dhe zbaton politika për të siguruar qasje të drejtë dhe efektive në sistemin e drejtësisë për të gjithë pjesëtarët e komuniteteve në pajtim * ligjin në fuqi;

• Ushtron përgjegjësitë në kërkimin, marrjen, sigurimin dhe verifikimin e informacioneve lidhur me vendndodhjen dhe fatin e personave të zhdukur dhe kthimin e eshtrave të personave të zhdukur, shfrytëzimin e ndihmës dhe të ekspertizës së personelit përkatës, si dhe të specialistëve të tjerë, në pajtim me dispozitat në fuqi

• Ushtron përgjegjësitë për çështjet që kanë të bëjnë me mjekësinë ligjore dhe hulumtimin e krimeve të luftës në pajtim me dispozitat në fuqi;

• Ofron ndihmë juridike ndërkombëtare;

• Përfaqëson autoritetet publike në procedurat gjyqësore dhe të arbitrazhit;

• Ofron mbështetje me ekspertë në përgatitjen e marrëveshjeve të Qeverisë në fushën e bashkëpunimit ndërkombëtar, në mënyrë që ato të jenë në përputhje me Kushtetutën e Republikës së Kosovës;

• Mbikëqyr sistemin e noterisë, ndërmjetësimit dhe provimin e jurisprudencës;

• Ruan dhe administron pasurinë e sekuestruar ose të konfiskuar në bashkëpunim me prokurorinë, gjykatën, apo organet tjera kompetente, në pajtim me ligjin në fuqi;

• Kryen edhe detyra të tjera, që i caktohen Ministrisë me legjislacionin përkatës në fuqi.

Lidhje të jashtme

https://md.rks-gov.net/