Mynafiku

Në Islam, munafikunët ('hipokritët', arabisht: منافقون, njëjës منافق munāfiq) janë një grup i cilësuar në Kur'an si myslimanë të jashtëm, të cilët në brendësi e fshihnin mosbesimin dhe në mënyrë aktive kërkonin të minonin komunitetin musliman. Mynafik është një person i cili në publik dhe në bashkësi tregon se është mysliman, por e refuzon Islamin ose propagandon kundër tij qoftë në zemrën e tij apo në mesin e armiqve të Islamit. Vetë hipokrizia quhet nifāk (نفاق).

Llojet e hipokrizisë

Hipokrizia ndahet në dy lloje:

1- Nifaku i madh (hipokrizia në besim), e cila bëhet shkak që personi i tillë të jetë përjetësisht në Zjarr.

Për këtë lloj të hipokrizisë na ka treguar Allahu në fjalën e Tij:

وَمِنَ النَّاسِ مَن يَقُولُ آمَنَّا بِاللّهِ وَبِالْيَوْمِ الآخِرِ وَمَا هُم بِمُؤْمِنِينَ

“Ka prej njerëzve që thonë: ‘Ne e kemi besuar Allahun dhe Ditën e Fundit (Ahiretin)’, por në realitet ata nuk janë besimtarë” (Bekare: 8)

Pra, janë ata njerëz që fshehin mosbesimin dhe shfaqin Islamin.

2- Nifaku i vogël (hipokrizia në vepra).

Shembull për të është shpjegimi i Pejgamberit ku thotë:

“Shenjat e hipokritit janë tre: kur flet gënjen, kur premton e thyen premtimin, e nëse i besohet diçka, tradhton.”

Në Kuran

Në Kuran ky term u referohet atyre që nuk besojnë por pretendojnë se besojnë.

Kur të vijnë te ti hipokritët, ata thonë: “Ne dëshmojmë, se ti, me të vërtetë, je i dërguari i Perëndisë!” – E Perëndia e di, se ti, me siguri, je i dërguari i Tij, por Perëndia dëshmon edhe se hipokritët janë gënjeshtarë të qartë. Ata betimet e tyre i kanë bërë maskë, andaj i kanë penguar (njerëzit) prej rrugës së Perëndisë. – Me të vërtetë, është shëmtim, atë që kanë punuar! Kjo është ngase kanë besuar, pastaj kanë mohuar, e u vulosën zemrat e tyre, prandaj ata nuk kuptojnë. (Surja el-Munafikun 63:1-3)