Muzeu Etnografik i Elbasanit

Muzeu Etnografik i Elbasanit
Muzeu Etnografik i Elbasanit
Informacion i përgjithshëm
Statusi	80 lloje zejesh, veshjet karakteristike elbasanase, ; ambiente të ndryshme
Vendndodhja	Elbasan
Adresa	Rruga 11 Nëntori, 3000
Koordinatat	41°06′43″N 20°00′02″E / 41.1120382°N 20.0005788°E
Inauguruar	1986
Uebfaqja
	Faqja e muzeut etnografik

Muzeu Etnografik i Elbasanit është ndërtuar në një shtëpi karakteristike me çardak që i takon shek. XVIII. Është një shtëpi që nga mënyra e ndërtimit dhe arkitektura është e veçantë në llojin e vet në trevën e Elbasanit. Në planin kompozicional dhe në përgjithësi në konceptimin e saj funksionalo-arkitektonik, kjo banesë i ngjan shumë banesave me çardak që gjejmë në Berat, Gjirokastër, Prizren e Shkodër. Banesa e këtij muzeu, është restauruar nga Instituti i Monumenteve të Kulturës në vitin 1983 - 1985 dhe në vitin 1986 ambientet e shtëpisë u përshtatën duke e kthyer në Muze Etnografik^[1]. Brenda kësaj ndërtese, ekzistojnë 800 objekte të rralla. Muzeu përmban kuadrin historik, zejtarinë, me rreth 80 lloje zejesh, veshjet, tipin e banesës qytetare karakteristike elbasanase me disa ambiente^[2].

Historiku

Elbasanasit e njohin si Shtëpia e Sejdinëve. Elbasani ka pasur rreth 1128 shtëpi të tilla deri në fund të shek. XVII, gjë që tregon se ka qenë një qytet i pasur. Popullsia e asaj kohe shkonte rreth 25-30 mijë banorë. Në muze, nëpërmejt objekteve, materialeve dhe fotove të shumta merren infromacione të tjera për zhvillimin urban të qytetit në periudha të ndryshme historike^[3].

Ndërtimi

Banesa përbëhet nga dy kate. Kati i parë ka qenë përdorur si magazinë ku futeshin prodhimet bujqësore dhe mbas kthimit në muze, janë vendosur disa nga zejet e shumta të ushtruara në qytet. Ky kat ka këto ambiente muzeale:

Korridori
Dhoma e leshrave
Dhoma e metaleve

Kati i dytë është realizuar si një shtëpi banimi e një qytetari të pasur elbasanas dhe përbëhet nga këto ambiente:

Korridori
Dhoma e punës së vajzave
Dhoma e grave
Dhoma e burrave
Dhoma e nuses

Muzeu qëndron i hapur nga e hëna në të premte 8:30-15:30 dhe të shtunën e të dielën 9:00-13:45. Muzeu qëndron mbyllur gjatë festave kombëtare.

Botime të përgatitura nga stafi i muzeut ndër vite


Titulli	Përshkrimi	Përgatiti	Viti
Muzeu Etnografik Elbasan - Guidë (Album)	Guida e realizuar si pjesë e Projektit Byzantium paraqet historikun, arkitekturën, ambientet, esnafet dhe objektet e Muzeut Etnografik në Elbasan.	Kreshnik Belegu, Ortenca Dakli
SKAMPIS (Elbasani) Romako - Bizantin	Guida e realizuar si pjesë e projektit Byzantium paraqet gjurmët e kulturës romano - bizantine në Elbasan.	Kreshnik Belegu, Ortenca Dakli
Vështrim mbi veshjet popullore të qarkut Elbasan	Botuar me rastin e 100 – vjetorit të Shpalljes së Pavarësisë. Në këtë album janë paraqitur me foto veshjet popullore të qarkut Elbasan, shoqëruar edhe me një përshkrim të shkurtër.	Kreshnik Belegu, Ortenca Dakli	2012

Commons: Botime të Muzeut Etnografik Elbasan – Album me fotografi dhe/apo video dhe materiale multimediale

Lidhje të jashtme

Referime

^ Belegu, Kreshnik; Dakli, Ortenca. Muzeu Etnografik - Guidë. Elbasan: Projekti Byzantinium dhe Bashkia Elbasan. fq. 1.
^ Elbasani - Enciklopedi. Elbasan: Sejko. 2003. fq. 386. ISBN 99927-962-1-9.
^ Belegu, Kreshnik; Çiftja, Hektor (2012). Elbasani turistik Guidë - A touristic guide to Elbasan. Tiranë: Shtëpia Botuese "Erik". fq. 60. ISBN 978-99956-36-49-4.

[1] Belegu, Kreshnik; Dakli, Ortenca. Muzeu Etnografik - Guidë. Elbasan: Projekti Byzantinium dhe Bashkia Elbasan. fq. 1.

[2] Elbasani - Enciklopedi. Elbasan: Sejko. 2003. fq. 386. ISBN 99927-962-1-9.

[3] Belegu, Kreshnik; Çiftja, Hektor (2012). Elbasani turistik Guidë - A touristic guide to Elbasan. Tiranë: Shtëpia Botuese "Erik". fq. 60. ISBN 978-99956-36-49-4.

[1]

[2]

[3]