Qyqja

Qyqja
Klasifikimi shkencor
Unrecognized taxon (fix):	[[Cuculus]]
Lloji:	[[Template:Taxonomy/Cuculus]][. C. canorus
Emri binomial
	C. canorus; (Linnaeus, 1758)

Qyqja (Cuculus canorus) është një lloj i zogjëve në familjen Cuculidae.

Gjatësia

32-34 cm, krahët e hapur: 51-57 cm.

Përshkrimi

Nga prilli në korrik, kënga e qyqeve është pjesë e rëndësishme e fondit muzikor të pyjeve. Pas kësaj periudhe, meshkujt pushojnë së kënduari dhe të rriturit shtegtojnë përsëri për në Afrikë, duke i lënë të vegjlit vetëm deri në shtator. Silueta e tyre në fluturim është e ngjashme me atë skifterit kthetrazi (Falco tinnunculus) ose gjeraqinës së shkurtër (Accipter nisus). Zogjtë e rritur janë në dy ngjyra: gri ose kafe në ngjyrë ndryshku. Pjesa e barkut është e bardhë me vijëzime gri. Në fluturim shfaqen krahët e gjatë dhe të gjerë. Të vegjlit kanë krahë më të rrumbullakosur. Ata janë në ngjyrë kafe të errët e cila çelet në pjesën e pasme të kokës.

Përhapja dhe habitati

Jetojnë në zona pyjore, por takohen dhe në toka bujqësore me shkurre, moçale, këneta etj.

Riprodhimi

Nuk ndërtojnë fole të vetën por i lëshojnë vezët veç e veç në foletë e specieve të tjera, si bilbili (Luscinia megarhynchos). Vezët çelin për 12 ditë dhe të vegjlit mund të fluturojnë pas tre javësh.

Ushqimi

Kryesisht insekte, merimanga dhe larva.

Zëri

Një “kuu-kuu” e njohur, ndonjëherë mashkulli bën edhe ”kuk-kuk-kuk”.