Sandër Lleshaj

politikan

Sandër Lleshaj (Mërkurthi, 25 janar 1963) ka qenë gjeneral brigade i ushtrisë shqiptare dhe ministër i Brendshëm i Republikës së Shqipërisë.

Sandër Lleshi
230px
Ministër i Brendshëm
16 nëntor 2018 – 10 dhjetor 2020
Paraardhësi: Fatmir Xhafaj
Pasardhësi: në detyrë
Të dhënat personale
Lindi më: 25 janar 1963
Lindi në: Mërkurth, Republika Popullore e Shqipërisë
Kombësia: shqiptar
Profesioni: ushtarak, nëpunës
Bashkëshortja Violeta
Fëmijë Dorotea, Anton

BiografiaRedakto

U lind në Mërkurth të Mirditës më 25 janar 1963. Qëndroi në vendlindje deri në moshën 14-vjeçare.[1]

Sa i takon arsimit në fushën ushtarake, ai fillon në periudhën 1978-1985 kur kreu shkollën e mesme ushtarake “Skënderbej” dhe Akademinë Ushtarake. Nga viti 1994 deri në 1999 kreu një sërë kursesh, si: i gjuhës gjermane në Akademinë e Mbrojtjes Kombëtare në Vjenë (Austri); kurs i avancuar i gjuhës gjermane në Institutin Federal të Gjuhëve (Bundessprachenamt) në Gjermani; kurs i komandantit të Batalionit në Shkollën e Artilerisë Kundërajrore në Rendsburg, Gjermani; kurs i Shtabit të Përgjithshëm në Akademinë e Drejtimit në Hamburg, Gjermani, dhe kurs i Sigurisë Europiane në Akademinë e Drejtimit në Hamburg, Gjermani. Në 2008-n, Lleshaj përfundoi Seminarin e Lartë Ekzekutiv në Qendrën për Studime të Sigurisë Europiane, George C. Marshall në Garmisch-Partenkirchen, Gjermani. Në 2011-in përfundoi Kursin e Lartë Ndërkombëtar për Menaxhimin e Mbrojtjes në Shkollën Pasuniversitare të Marinës në Monterey, Kalifornia, SHBA.

Mbajti prej vitit 2010 postin e zv.shefit të Shtabit të Përgjithshëm të Forcave të Armatosura të Shqipërisë. Në periudhën 1996-2000, gjeneral Lleshaj ka qenë komandant i Kurseve në Akademinë e Mbrojtjes në Tiranë dhe më pas, për tre vjet të tjerë, ishte komandant i Akademisë Ushtarake “Skënderbej”. Në vitet 2003-2006 shërbeu si atashe i Mbrojtjes i Republikës së Shqipërisë në Gjermani.

BotimeRedakto

ReferimetRedakto

  1. ^ Lita, Lavdrim (30 tetor 2018). "Profil i paautorizuar i Sandër Lleshit nga gjeneral në ministër". panorama.com.al. Panorama. Mungon ose është bosh parametri |language= (Ndihmë!)