Sfurku

Sfurk (sfurku) e i cili ndryshe quhet edhe tfurk ose fturk, është një vegël bujqësore prej druri a prej hekuri, me një bisht ose dorëz të gjatë dhe me dy deri katër dhëmbë të gjatë druri apo metali, e që përdoret për të mbledhur a për të ngritur barin, sanën, kashtën, ferrat, plehun etj. Sfurgjet e drurit zakonisht janë më të gjata, me një gjatësi e cila shkon deri 180 cm ndërsa ata metalik janë më të shkurtër.

Në Mesjetë, sfurqit dhe kosat shpesh janë përdorur edhe si armë e çastit ose në raste të tjera edhe nga ana e atyre të cilët nuk mund të siguronin armë më të shtrenjta siq ishin shpata, ose, më vonë, armët e zjarrit. Si rezultat i kësaj, sfurku dhe kosa u bënë stereotip i turmave të zemëruara ose të bandave të fshatarëve të tërbuar.

Shih edhe

• Kosa
• Rashtjella