Shpresa II

Shpresa II (në gjermanisht, Die Hoffnung II ) është një pikturë e Gustav Klimt, e bërë në vitet 1907–08. Ishte e dyta nga veprat e Klimt e cila përqëndrohej te një grua shtatzënë. Të dyja përshkruanin Hermën, një nga modelet e tij të preferuara. Ishte titulluar Vizioni nga Klimt, por është bërë e njohur si Shpresa II pas punës së mëparshme Shpresa, e cila tani dallohet si Shpresa I. Shpresa II u ble nga Muzeu i Artit Modern në New York City në 1978.

Klimt pikturoi Hermën rëndë shtatzënë tek Shpresa I në vitin 1903, tek e cila ajo ishte paraqitur e zhveshur. Tek Shpresa II, ajo ka veshur një fustan të gjatë ose një pelerinë të zbukuruar me forma gjeometrike. Ajo ka flokë të gjatë kaf dhe sy të mbyllur, me kokën të përkulur drejt gjinjve të saj të zbuluar dhe barkut të saj të fryrë. Një kafkë njerëzore që nuk përputhet me pjesën tjetër shfaqet e bashkëngjitur me pjesën e përparme të veshjes së saj- ndoshta si një shenjë e një lindjeje të rrezikshme, ose ndoshta një kujtimi i marrë (në Shpresën I, ajo shoqërohet gjithashtu nga një kafkë dhe disa figura të ngjashme me vdekjen). Në rrëzë të pikturës, tri gra përkulin gjithashtu kokën, sikur po luten ose po mbajnë zi.

Piktura katrore është 110.5 by 110.5 centimetres (43.5 in × 43.5 in) . Gratë zënë të tretën qendrore të pikturës, me një sfond të errët me grimca ari në të dyja anët. Veshja e gruas, e zbukuruar me një gjethe ari si një vepër arti bizantine dhe me ngjyra të pasura e me motive, por e sheshtë si një ikonë ortodokse, bie ndesh me fytyrat njerëzore dhe mishin e zhveshur të konturuara e të pikturuara në mënyrë delikate dhe gjithashtu me tonet e errëta të sfondit.

Shpresa II u ekspozua në Kunstschau [de] e parë të Vjenës më 1908. Për shkak të lakuriqësisë skandaloze të figurës së saj qendrore, Shpresa I nuk u ekspozua më deri në Kunstschau-n e dytë të Vjenës vitin e ardhshëm.

Piktura u ble nga Eugenie Primavesi [de] para dhjetorit të vitit 1914, dhe ajo u shit në fund të viteve 1930 nga Neue Galerie e Otto Kallir ose pasardhësi i tij Vita Künstler . Mbeti në koleksione private deri në vitin 1978, kur u shit nga Hans Barnas Muzeut të Artit Modern (MOMA) në New York.

Gustav Klimt. Shpresa, II . 1907-1908 , MOMA
Gustav Klimt. Shpresa, II . 1907-1908 , Multimedia MOMA
Gustav Klimt. Shpresa, II . 1907-1908 , Google Arte dhe Kulturë