Wikipedia:Faqja kryesore/Artikulli i javës/2022/22
Transporti në Shqipëri përbëhet nga transporti tokësor, ujor dhe ajror, të cilat janë kryesisht nën mbikëqyrjen e Ministrisë së Infrastrukturës të Shqipërisë. Zhvillimi dhe përmirësimi i transportit në vend mbetet ndër prioritetet më të rëndësishme të qeverisë së Shqipërisë.
Ajo ka përjetuar ndryshime të rëndësishme, rritje dhe zgjerim të madh vitet e fundit. Përmirësimet në infrastrukturën rrugore, transportin urban dhe udhëtimin ajror kanë çuar të gjitha në një përmirësim të gjerë të transportit. Këto përmirësime kanë luajtur rol kryesor në mbështetjen e ekonomisë së Shqipërisë.
Që nga antikiteti, zona e Shqipërisë moderne ka shërbyer si një udhëkryq i rrugëve të rëndësishme të karvanëve, siç ishte Via Egnatia romake që lidhte Adriatikun me Bizantin (më vonë Kostandinopojën). Regjimi fashist italian i Musolinit realizoi një projekt ndërtimesh rrugore në Shqipëri në vitet 1930, megjithatë lëvizja e automjeteve ishte e kufizuar në atë kohë.