Agim Nuhiu
Agim Nuhiu është avokat dhe politikan nga Maqedonia e Veriut me origjinë shqiptare.
Biografia Redakto
Agim Nuhiu u lind më 24 gusht 1977 në fshatin Sllatinë të Tetovës . Në vitin 2001 diplomoi në Fakultetin Juridik të Universitetit të Tetovës . Nga viti 2005 deri në vitin 2007 ka studiuar për drejtësi civile në Universitetin e Tiranës dhe nga viti 2001 deri në 2008 në Universitetin e Prishtinës . Në vitin 2013 mbrojti tezën e disertacionit në Universitetin e Tiranës. Nga viti 2002 deri në vitin 2004 ka qenë anëtar i Senatit të Universitetit të Tetovës. Më pas ka qenë nënkryetar i Bordit të Drejtorëve të Institutit për mbrojtje shëndetësore në Tetovë (2002 – 2007), anëtar i komisionit për çështje juridike dhe ligjore të Komunës së Tejarcës (2002 – 2008), dekan i hulumtimeve në Fakulteti Juridik i Universitetit të Tetovës ushtrues detyre i dekanit të Fakultetit Juridik (2009 – 2010), anëtar i Këshillit Mbikëqyrës për Zbatimin e Marrëveshjes Kornizë të Ohrit (2011), dekan i pjesës shkencore të Fakultetit Juridik të Universiteti Shtetëror në Tetovë (2015). Është redaktor i Revistës Shkencore Ndërkombëtare për Çështje Juridike “Ulpianus”, Shoqata e Juristëve Shqiptarë në Maqedoni.
Nga 29 dhjetor 2016 deri më 31 maj 2017 Agim Nuhiu kreu detyrën e Ministrit të Punëve të Brendshme të Republikës së Maqedonisë së Veriut, duke u bërë kështu shqiptari i parë që mbante këtë post. [1]