Beteja e Pantinës

Beteja e Pantinës u zhvillua në fushën e fshatit Pantinë të Komunës së Vushtrrisë, midis Perandorisë Bizantine dhe Principatës së Madhe të Serbisë në vitin 1167. Ajo ishte pjesë e një lufte lidhur me trashëgiminë brenda Serbisë mesjetare, në të cilën bizantinët ndërhynë në emër të Princit të Madh të rrëzuar Tihomir kundër vëllait të tij më të vogël rebel, Princ Nemanja, i cili doli fitimtar dhe u kurorëzua më pas.

Sfondi

Princi Nemanja i Ibrit, Toplicës, Rasinës dhe Rekës ishte inferior i zotit dhe vëllait të tij më të madh, princit të madh Tihomir. Kur Nemanja ndërtoi manastire pa u konsultuar me Tihomirin, ky i fundit e kapi Nemanjan dhe e lidhi me zinxhirë duke i sekuestruar edhe tokat. Por mbështetësit e Nemanjës brenda klerit, të cilët e kishin mirëpritur ndërtimin e kishave nga ana e tij dhe gjithashtu e kështu i kishin respektuar në masë të madhe, komplotuan për ta liruar. Nemanja u lirua më vonë dhe rifitoi sundimin në disa nga tokat e tij të mëparshme. Më pas, ai rrëzoi me sukses Tihomirin, i cili u arratis në territorin e Perandorisë Bizantine bashkë me vëllezërit e tij.

Beteja

Një ushtri bizantine u mblodh për aleatin bizantin Tihomir, i cili erdhi nga Shkupi. Edhe pse nuk dihet nëse ata shërbenin si mercenarë apo trupa ndihmëse, shumë të huaj, duke përfshirë grekë, turqë dhe frankë, ishin pjesë e forcave besnike të Tihomirit. Dy ushtritë u përplasën në Pantinë shat në Komunën e Vushtrrisë, Kosova e sotme. Pas një beteje vendimtare, forca bizantine u shtyp dhe shpejt filloi të tërhiqej. Tihomiri u mbyt në lumin Silnica ndërsa vëllezërit e mbetur të Nemanjës u falen, duke njohur Stefan Nemanin si sundimtarin suprem, i kurorëzuar si "Sundimtari i Gjithë Serbisë".

Pasojat

Beteja ishte vendimtare për faktin se ajo siguroi unitetin e të gjithë princave serbë dhe besnikërinë e tyre përfundimtare ndaj Stefan Nemanjës. Kjo më vonë hapi rrugën për konsolidimin e Serbisë dhe formimin e saj përfundimtar në një mbretëri . 

Shih edhe

• Pantina
• Lumi i Sitnicës

Literatura

• Fine, John Van Antwerp, Ballkani mesjetar i vonë, (University of Michigan Press, 1987)
• Fine, John Van Antwerp (1994), The Late Medieval Balkans: A Critical Survey from the Late Twelfth Century to the Ottoman Conquest, University of Michigan Press, ISBN 978-0-472-08260-5 {{citation}}: Mungon ose është bosh parametri |language= (Ndihmë!)