Bioteknologjia bujqësore

Bioteknologjia bujqësore, e njohur gjithashtu edhe si agritech, është një fushë e shkencës bujqësore që përfshin përdorimin e mjeteve dhe teknikave shkencore, duke përfshirë inxhinierinë gjenetike, shënjuesit molekularë, diagnostifikimin molekular, vaksinat dhe kulturën e indeve, për të modifikuar organizmat e gjallë: bimët, kafshët dhe mikroorganizmat.

Përmbledhje

Bioteknologjia bujqësore ngërthen në vete edhe bioteknologjinë e të korrave bujqësore e cila paraqet një aspekt të konsiderueshëm të bioteknologjisë bujqësore, e zhvilluar sidomos shumë në kohët e fundit. Karakteristikat e dëshiruara eksportohen nga një specie e veçantë në një specie krejtësisht të ndryshme. Këto kultura transgjene kanë karakteristika të dëshirueshme për sa i përket aromës, ngjyrës së luleve, shkallës së rritjes, madhësisë së produkteve të korrura dhe rezistencës ndaj sëmundjeve dhe dëmtuesve të ndryshëm. Fermerët kanë manipuluar bimë dhe kafshë përmes mbarështimit selektiv përgjatë qindra dhe mijëra viteve në mënyrë që të krijojnë tipare të dëshiruara. Në shekullin XX, një rritje e teknologjisë rezultoi në një rritje në bioteknologjinë bujqësore përmes zgjedhjes së tipareve si prodhimi i rritur, rezistenca ndaj dëmtuesve, rezistenca ndaj thatësirës dhe rezistenca ndaj herbicideve. Produkti i parë ushqimor i prodhuar përmes bioteknologjisë u shit në vitin 1990 dhe deri në vitin 2003, 7 milion fermerë po shfrytëzonin të korra bioteknologjike. Më shumë se 85% e këtyre fermerëve ndodheshin në vendet në zhvillim.

Shih edhe

Literatura

"Agricultural Biotechnology" (PDF). cornell.edu (në anglisht). PBS, ABSP II, US Agency for International Development. 2004. Marrë më 1 dhj 2016.
"What is Agricultural Biotechnology?" (PDF) (në anglisht). Cornell University. Marrë më 3 shkurt 2015.
Momoh James Osamede (2016). Crop Biotechnology in Nigeria. Procedure for Postgraduate workshop, UNIBEN, Nigeria 27 April 2016. BENIN CITY , Nigeria