Bllacë (Bulqizë)

Bllaca

Bllaca është një fshat në komunën Shupenzë në rrethin e Bulqizës të Shqipërisë.

Historia

Fshati Bllacë gjendet në koordinata gjeografike 41° 34’’ 19´ V dhe 20° 21’’ 27´ L, në lartësinë 867 m. mbi nivelin e detit.

• Më 1467, fshati (Blaçe) përfshihej në Vilajetin e Dibrës së Sipërme,1 dhe kishte 13 hane të krishtera.
• Më 1839, krej’plak i fshatit përmendet Metë Ali Nimani.
• Më 1900, (Блаце) përfshihej në nahijen Gryka e Vogël (Грика Воглъ) dhe kishte 480 banorë, të gjithë shqiptarë myslimanë.4
• Më 1903 fshati kishte 30 shtëpi, të gjitha myslimane.
• Më 1910, në Teqenë e Bllacës u hap shkolla shqipe, e para në Grykë të Vogël. Mësimi jepej nga dervish Jahja nga shehri i Di - brës. Nga Bllaca kishte 8 nxënës, nga Kovashica 5, nga Gjurasi 3 si dhe nga Zogjet e Homeshi. Shkolla u mbyll me fillimin e Luf - tës Ballkanike.
• Më 1913, i gjithë fshati u plaçkit dhe u dogj nga forcat serbe. Banorët u therrën pa shkak si dhe u rrëmbyen 250 krerë dele, 37 gjedhë e 28 kuaj.
• Më 1916, me përpjekjet e atdhetarëve Jashar Zeneli e Sahit Tasha, në fshat u hap sërish shkolla shqipe. Mësimi jepej nga baba Isufi në Teqenë e Bllacës.
• Më 1920 ushtarët serbë dogjën 9 shtëpi, rrëmbyen 4 kuaj, 7 gjedhë, 150 kokë bagëti dhe 6 500 kg. drith.
• Më 1927, përfshihej në Krahinarinë Homesh dhe kishte 64 shtëpi banorë me 448 banorë, të gjithë myslimanë. Teqeja e Bllacës u themelua nga Jusuf Baba. Më 1860, teqeja u dogj nga myslimanët sunitë të Dibrës. Kësaj teqeje i ka shërbyer fisi Tasha.
• Më 1945, u hap shkolla e fshatit me mësues Adem Sharofi.

Banohej nga fiset Skarra (vendas), Alimani (fis Troci nga Reçi), Jella, Krosi, Leka, Tasha, Lleshi, Martini, Muha, etj..