Decidim
Decidim është një platforme digjitale për demokraci pjesëmarrëse për organizata dhe institucione qytetare, publike ose private. Platforma web Decidim mundëson organizimin e proceseve të ndryshme pjesëmarrëse si buxhete kolaborative, peticione, thirrje për projekte, konsultime, dëgjesa publike, konference qytetare etj. Decidim është softuer i lirë me kod burim të hapur, kodi burimor i të cilit është i publikuar nën licencën AGPLv3 . Kodi i tij është shkruar në gjuhën e programimit Ruby on Rails [1] , [2] .
| Versioni i fundit | 3 tetor 2024 |
|---|---|
| Gjuhet e programimit | Ruby |
| Licenca | AGPLv3 |
| Faqja zyrtare | https://decidim.org/ |
Historia
RedaktoDecidim.barcelona, faqja e parë web ofruar përmes platformës Decidim, u lançua më 31 janar 2016 në qytetin e Barcelonës menjëherë pas zgjedhjes së kryebashkiakes Ada Colau [3] për të bashkëndërtuar planin e veprimit komunal të Bashkisë së Barcelonës për periudhën 2016-2019 [4] , [5] .
Versioni i parë i programit u bazua në softuerin e lirë Consulli [6], i zhvilluar nga Këshilli i Qytetit të Madridit, si pjesë e bashkëpunimit ndërkomunal midis qeverive të Now Madrid dhe Barcelona en Comú, i formuar pas zgjedhjeve komunale të 2015, dhe grupimeve aktiviste të lidhur me Lëvizjen 15-M . Në vitin 2017, kodi i Decidim u rishkrua nga fillimi dhe filloi të shpërndahet në qytete të tjera [2] , [1] .
Në maj 2021, Decidim përdoret në më shumë se 100 qytete dhe në 20 vende të botës [7] .
Komuniteti
Redakto"Metadecidim" është emri i komunitetit Decidim i cili bashkëpunon në zhvillimin e platformës dhe ndërtimin e projektit. Ai përbëhet nga zhvillues softuerësh, dizajnera, shoqata, institucione publike, aktivistë, shkencëtarë të dhënash, studiues dhe menaxherë të komunitetit [8] .
Njohjet
RedaktoMë 11 qershor 2019, Decidim mori çmimin e dytë të Sharing & Reuse Awards (#SRawards2019) në kategorinë “ softueri i lirë më inovativ ". Ky çmim ndahet nga Komisioni Evropian, për të promovuar, ndarë dhe ripërdorur zgjidhjet e teknologjisë së informacionit të lirë dhe me kod burim të hapur ndërmjet administratave publike [9] .
Referime
Redakto- ^ a b "Madrid y Barcelona, unidas por la innovación ciudadana". ELMUNDO (në spanjisht). 2016-05-27. Marrë më 2021-05-27.
- ^ a b "Las candidaturas ciudadanas dan un vuelco al panorama político | Periódico Diagonal". www.diagonalperiodico.net (në spanjisht). Marrë më 2021-05-27.
- ^ Le Monde. "Ada Colau, l'« indignée », sera investie maire de Barcelone avec une majorité absolue" (në frëngjisht).
- ^ "Pla d'Actuació Municipal 2016-2019". decidim.barcelona (në spanjisht).
- ^ "El proceso participativo recoge más de 5.000 ideas". La Vanguardia (në spanjisht). 2016-03-29. Marrë më 2021-05-27.
- ^ "Consul : Free software for citizen participation" (në anglisht). Arkivuar nga origjinali më 8 qershor 2021. Marrë më 17 shkurt 2024.
- ^ "Decidim". decidim.org (në spanjisht). Marrë më 2021-05-27.
- ^ Albers, Erik. "Utiliser le Logiciel Libre pour construire une société numérique plus démocratique, inclusive et durable - Interview avec Francesca Bria, directrice de l'innovation technologique et numérique de Barcelone". FSFE - Free Software Foundation Europe (në frëngjisht). Marrë më 2021-05-27.
- ^ "Le projet Decidim reçoit un prix pour le logiciel libre le plus innovant". www.uoc.edu (në spanjisht). Marrë më 2021-05-27.