Demir Reshiti

Demir Reshiti lindi më 24 qershor 1963 në Bresanë të Sharrit. Shkollën fillore e kreu në vendlindje, të mesmen në Sharr dhe Skënderaj, ndërsa fakultetin ekonomik, fakultetin e gazetarisë dhe studimet postdiplomike për gazetari në Universitetin e Prishtinës Prishtinë. Shkruan kryesisht poezi, prozë dhe publicistikë. Është anëtar i Lidhjes së Shkrimtarëve të Kosovës. Laureat i çmimeve të para për poezi për fëmijë në “Takimet e Gjeçovit” dhe në manifestimin tradicional “Ora e Tahir Deskut”. Veprat:Trung i ndarë, 1992; Ofshamë,1995; Abetaka, 1995; Reshje nën Pikëllimë, koautor, 1996; Ngutëm ta kapërcej kohën, 2000; Libri i Mrekullive, 2001; Libri i Gjeneratës, monografi, 2009; Mik me Diellin, 2012; Luleborë Sharri, monografi - koautor, 2016; Libri i Mrekullive, vjersha të zgjedhura për fëmijë, 2017; Endje, kritikë letrare, 2019. Ka punuar si kryeredaktor, redaktor dhe gazetar në disa mediume ("Rilindja", "Radio Kukësi", "Kosovapress", "Radio Sharri", "Zëri i Kosovës", "Epoka e Re", revista "Sharri", revista "Paqja", gazeta "Tribuna shqiptare", gazeta "Lajm"...). Aktualisht punon në RTK-Radio në Prishtinë si autor dhe prezantues i emisionit "Më Afër" që iu kushtohet bashkatdhetarëve në mërgatë.

Demir Reshiti
Emri	Demir
Mbiemri	Reshiti
Lindur më	24 qershor 1963
Lindur në	Bresanë, Sharr
Kombësia	shqiptare
Shtetësia	kosovare
Profesioni	gazetar, shkrimtar, publicist, ekonomist