Eqerem Qamili Shehu
Eqerem Qamili Shehu (Hekal, 12 maj 1911 - Fier, 23 korrik 1993) ishte një patriot, drejtues i Luftës Antifashiste Nacionalçlirimtare dhe drejtuesi i bashkisë Ballësh dhe Fier pas çlirimit.
Eqerem Shehu | |
|---|---|
 | |
| U lind në | 12 maj 1911 Hekal, Mallakastër |
| Vdiq | Gabim: Nevojitet datë e vlefshme vdekjeje (data e parë): data, muaji, viti |
| Emrat e tjerë | Eqerem Qamili |
| Prind/ër | Qamil, Zybë |
| Të afërm | Zenel Hekali |
| Shënime | |
Patriot, Drejtues i Luftës Antifashiste Nacionalçlirimtare, Kryetar i Qarkut Ballesh | |
Biografia
RedaktoEqerem Qamili Shehu lindi më 12.05.1911 në Mallakastër në një familje të madhe të Hekalit të njohur për traditën atdhetare dhe patriotike. Eqeremi ishte djali i vogël i familjes e cila përbëhej nga i ati Qamil Agai, nëna Zyba, i vëllai Zeneli dhe e motra Lalo.
Familja e tij, me ne krye Rifat Dervish Shehun dhe forcat e tyre, ndihmuan Ismail Qemalin për rrugëtimin dhe ngritjen e flamurit në Vlorë dhe ishin gjithashtu pjesëmarrës në luftën e Vlorës.
Vëllai i Eqeremit, Zenel Hekali Shehu është një nga psikologët e parë shqiptarë. I diplomuar në Universitetin e Zagrebit ai ka dhënë një kontribut të shquar në historinë e Shqipërisë si dhe në zhvillimin e shkences së pedagogjisë dhe psikologjisë në vend, ku spikasin studime dhe botime të shumta. Ai njihej për pikëpamjet e thella patriotike të cilat ja transmetoi edhe të vëllait Eqeremit. Së bashku në vitin 1935 ata ishin ndër udhëheqësit kryesore të lëvizjes së Fierit. Mbas dështimit të lëvizjes Eqeremi u burgos, ndersa i vëllai, Zeneli u dënua me vdekje në mungesë pasi ishte larguar në Itali.
Mbas pushtimit nga Italia fashiste, Eqeremi u vu në krye të forcave partizane të zonës së Mallakastrës ku ai u shqua si një nga drejtuesit kryesore të rezistencës. Shtëpia e tij u bë një bazë e rëndësishme e Luftës Antifashiste Nacionalçlirimtare dhe u dogj dy herë nga ushtria italiane dhe ajo gjermane. Në korrik te vitit 1943 ai u emërua komandant i qarkut të Mallakastrës dhe drejtoi forcat partizane deri në clirimin e plotë të Shqipërisë.
Me çlirimin e vendit Eqeremi u emërua kryetar komiteti në Ballësh. Më pas ai u emërua kryetar lokaliteti në Fier ku vazhdoi të drejtonte poste të rëndësishme. Është për tu përmendur kontributi i tij i veçantë, si shef bujqësie e tregtie, në zhvillimin e bujqësisë, ngritjes dhe organizimit të fermave dhe kooperativave bujqësore, infrastrukturës dhe tregtisë në këtë rreth. Ai ishte mbështetës i industrializimit të bujqësisë duke krijuar kushtet në terren për fillimin e ndërtimit të Azotikut në Fier.
E shoqja e Eqeremit, Meleqe Rakipaj rridhte gjithashtu nga një familje e njohur patriotësh shqiptarë, nga Fratari i Mallakastrës, ku shquhet xhaxhai i saj patrioti Hajredin Fratari, Qamil Hamzo Rakipaj dhe nipi i saj “Heroi i Popullit” Gjeneral Muhamet Prodani.
Eqeremi u nda nga jeta në 23 korrik 1993. Në një varrim madhështor, ai u përcoll për në banesën e fundit me nderim dhe respekt nga mijëra qytetarë të Fierit dhe Mallakastrës si dhe me nderime të veçanta nga bashkitë e Fierit dhe të Ballshit.
Ai la pas tetë fëmijë Hato, Tajar, Nizajete, Vladimir, Violeta, Vitori, Petrit dhe Xhevdet si dhe shumë nipër e mbesa që e kujtojnë me dashuri dhe respekt.
Sot, në nderim të kontributit që Eqerem Shehu dha për qarkun dhe qytetin e Fierit, një rruge mban emrin e tij.
Gjithashtu Këshilli Bashkiak dhe Bashkia Mallakastër për kontributin e dhënë gjatë Luftës Antifashiste Nacionalçlirimtare në krahinën e Mallakastrës, dhe drejtimin e saj pas çlirimit, e nderuan me titullin “Qytetar Nderi i Mallakastrës”.
Titujt
RedaktoPër meritat e tij të veçanta në çlirimin e vendit Eqerem Shehu është dekoruar me:
- Urdhrin dhe Medaljen e Flamurit (date 14.12.1945, Nr. 152)
- Urdhrin dhe Medaljen e Trimerise (date 03.05.1951, Nr. 697)
- Urdhrin dhe Medaljen e Kujtimit (Date 14.11.19445, Nr. 329)
- Medaljen e Clirimit (Date 08.05.1945, Nr. 1054)
Per meritat e tij të vecanta në drejtim e vendit, Eqerem Shehu është dekoruar me:
- Urdhrin e Punës (14.08.1958, Nr. 2736)
- Qytetar Nderi i Mallakastrës. (Vendim i Keshillit Bashkiak, Nr.58 Datë 22.2.2020, Bashkia Mallakastër.)