Fakulteti i Arkitekturës dhe Urbanistikës i Universitetit Politeknik të Tiranës

Fakulteti i Arkitekturës dhe Urbanistikës i Universitetit Politeknik të Tiranës është një institucion publik i arsimit të lartë në fushën e arkitekturës dhe urbanistikës në Tiranë, Shqipëri.

Fakulteti i Arkitekturës dhe Urbanistikës përbëht nga Departamenti i Arkitekturës (DA), Departamenti i Urbanistikës (DU), Departamenti i Restaurimit dhe Teknologjisë së Arkitekturës (DRTA) dhe Qëndra e Kërkimit Shkencor (QKSH).

Historia

Dega e Arkitekturës u hap në vitin 1969, si pjesë e Fakultetit të Inxhinierisë të Universitetit të Tiranës. Në vitin 1983 u krijua Fakulteti i Inxhinierisë së Ndërtimit në kuadrin e Universitetit të Tiranës, ku bëntë pjesë Dega Arkitekturë. Më pas, në vitin 1984, Katedra e Urbanistikës u nda nga ajo e Arkitekturës. Në vitin 1993 u krijua Departamenti i Arkitekturës dhe Urbanistikës në kuadrin e Universitetit Politeknik të Tiranës, të rrithemeluar më 1991. Në fillim të vitit 2013 departamenti u shkëput nga Fakulteti i Inxhinierisë së Ndërtimit dhe u shndërrua në Fakultetin e Arkitekturës dhe Urbanistikës.

Studimi

Programet e studimit që ofron Fakulteti i Arkitekturës dhe Urbanistikës:

• Bachelor në Arkitekturë Interieri dhe Dizajn
• Master profesional në Restaurim Monumentesh Kulture
• Master shkencor në Arkitekturë (Program i integruar studimi 5 vjeçar)
  • Profili Arkitekturë
  • Profili Urbanistikë
• Doktoratë në Arkitekturë, Urbanistikë dhe Restaurim

Shiko dhe

• Fakulteti i Ndërtimtarisë dhe Arkitekturës i Universitetit të Prishtinës
• Fakulteti i Arkitekturës dhe Inxhinierisë i Universitetit Epoka

Lidhje të jashtme

• Faqja zyrtare e Fakultetit të Arkitekturës dhe Urbanistikës
• Faqja zyrtare e Universitetit Politeknik të Tiranës Arkivuar 16 mars 2013 tek Wayback Machine