Fisioni bërthamor

Fisioni bërthamor është procesi i ndarjes së bërthamës së rëndë të atomit në dy bërthama të lehta, gjatë bombardimit me neutrone.

Ky është një proces fizik gjatë të cilit kapet neutroni nga uranit $_{92}U^{235}$, proces gjatë të cilit lirohet një sasi e madhe e energjisë bërthamore (210 $MeV$). Deri më tani janë të njohura deri 40 mënyra të ndarjes së bërthamës atomike të uranit $_{92}U^{235}$ me të cilat mund të krijohen deri në 300 produkte të ndryshme radioaktive të fisionit. Gjatë procesit të ndarjes së bërthamës së rëndë në dy bërthama (rrallë herë në tri) të reja – të lehta, emetohen dy deri në tri neutrone dhe fotone-$\gamma$

Procesi i ndarjes

Gjatë kapjesë së neutronit të $_{92}U^{235}$, ky atom shpërbëhet në substanca tjera më të lehta, që zakonisht në reaktore janë kadmiumi dhe bori dhe energjia e liruar: $_{92}U^{235}$ (n,f) → $_{36}Kr^{94}$ + $_{56}Ba^{140}$ + (2 deri 3) $_{0}n^{1}$ + $E(MeV)$. Energjia e liruar me fisionin e një atomi të bërthamës $U-235$ gjendet në disa forma, si energji kinetike e fragmeteve të lehta ($~99MeV$) dhe të rënda ($~68MeV$), një pjesë e energjis është energji kinetike e neutroneve ($~5MeV$), si dhe lidhjeve të tyre dhe një pjesë prej $~8MeV$ është energji e kuanteve - $\gamma$. Po ashtu kjo energji ka në vete edhe energjin radioaktive që është diku $24MeV$ dhe përbëhet nga: energjia e grimcave $-\beta ~7MeV$; energjia e antineutroneve $~10MeV$ dhe energjia e rrezatimit $-\gamma ~7MeV$