Gjinar

Gjinari është një fshat në Komunën Gjinar në Rrethin e Elbasanit të Shqipërisë Qendrore. Në reformën e qeverisjes vendore 2015, ajo u bë nënndarje e Bashkisë Elbasan. Popullsia në regjistrimin e vitit 2011 ishte 3,478. Njësia bashkiake përbëhet nga fshatrat Lleshan, Gjinar, Valësh, Pashtresh, Dërstilë, Llukan, Stërstan, Xibresh, Maskarth, Kaferr dhe Pobrat.

Fshati i Gjinarit

Pozicioni gjeografik

Gjinari gjendet në lartësinë rreth 1000 m mbi nivelin e detit dhe pikën më të lartë e arrin mali i Bukanikut, i cili është 1831 m mbi nivelin e detit. Është një fshat kodrinor me pjerrësi prej 4.5%.

Elementët e rëndësishëm natyrore të zonës janë padyshim pyjet halore që e rrethojnë fshatin nga lindja.

Aroma e rrëshirës së pishave ka veti kurative. Kodrat e fshatit mbulohen nga vreshta, ullinj e pemë frutore, të cilat rriten nga banorët. Në ditë të kthjellëta, nga lartësitë e Gjinarit mund të shquash në perëndim edhe detin Adriatik, që nga Vlora e deri në Durrës.

Monumente natyrore

Në Gjinar ndodhen 6 monumente kulturore, si: Dushku i Lleshanit, Lisat e Pashtreshit, Pisha e Fushë - Kuqes, Dushku i kishës Gjinar, Rrobulli i Zeleshnjës, Pylli i staneve të Verçës.

Monumente kulture

Disa nga monumentet e kulturës që gjenden në Gjinar janë: Kalaja e Gurit, Kalaja e Valëshit, Kisha Shën e Premtes, Kalaja në Llixhat e Elbasanit.

Historiku

Me një distance rreth 25 km nga Elbasani, Gjinari është një zonë turistike e njohur që prej kohës së Zogut. Ai karakterizohet nga klima dhe burimet e veta natyrore e cila ofron turizëm dhe mund të vizitohet gjatë gjithë vitit.

Që prej kohës së Zogut dhe në komunizëm, Gjinari ka qenë një nga pikat më të rëndësishme të turizmit malor në Shqipëri me kabina kampi pushimi për turistët, të cilët shpenzonin rreth 15 ditë në Gjinar për t’u kuruar nga ajri e klima.

Referime

Ky artikull me tematikë në lidhje me gjeografinë e Shqipërisë është një faqe cung. Ju mund të ndihmoni Wikipedia-n duke e përmirësuar atë.