Hajdar Muneka

Hajdar Muneka (lindi më 20 mars 1954) është gazetar dhe diplomat shqiptarë.

Arsimi

Hajdar Muneka është diplomuar për gjuhë kineze në Universiteti i Gjuhës Së Pekinit, në Pekin, Kinë. Ai gjithashtu ka një diplomë master në Gazetari, nga Universiteti i Tiranës, Shqipëri. Ndërkohë ka kryer edhe një sërë kualifikimesh në fushën e gjuhës shqipe, për publicistikë e marrëdhënie ndërkombëtare.

Karriera

Duke filluar nga viti 1979, Hajdar Muneka shërbeu si gazetar në Radio Televizionin Shqiptar, në Tiranë. Aty ka mbuluar kryesisht çështjet evropiane.

Muneka filloi karrierën e tij diplomatike në vitin 1991 në fillim si specialist për çështjet e Kinës dhe Azisë në Ministrinë e Punëve të Jashtme të Shqipërisë dhe më vonë Sekretar i Parë i Ambasadës së Shqipërisë në Kinë. Në vitin 1997, ai u emërua Ambasador i Jashtëzakonshëm dhe Fuqiplotë i Republikës së Shqipërisë në Kinë. Në të njëjtën kohë Hajdar Muneka është emëruar ambasador i emëruar në Japoni, Korenë e Jugut, Australi, Zelandën e Re, Singapor. Gjatë kësaj periudhe jashtëzakonisht të ngarkuar edhe për shkak të zhvillimeve në Kosovë, ka udhëtuar pothuajse në të gjitha këto vende ku ka zhvilluar një lobing në mbështetje të çështjes kosovare.

Në vitin 2000 Muneka është kthyer në Ministrinë e Punëve të Jashtme, ku ka punuar në Drejtorinë e Azisë me gradën diplomatike Ministër Këshilltar. Në vitin 2001 u emërua Shef i Misionit të Ambasadës së Shqipërisë në Kuala Lumpur, Malajzi. Ndërkohë ka qenë i akredituar edhe në Tajlandë, Indonezi, Vietnam, Brunei e Kamboxhia.