Ilirian Kuka

Ilirian Kuka (lindur më 14 tetor 1969) është Ambasadori i Shqipërisë në Hungari, që nga 25 maji 2024. Ai më përpara barti rolin e Ambasadorit të Shqipërisë në Republikën Çeke nga dhjetori 2018 në dhjetor 2023.

Jeta dhe karriera

Ilirian Kuka lindi më 14 tetor 1969 në Tiranë, Shqipëri. Ai u rrit në Tiranë dhe pas përfundimit të universitetit u shpërngul në Bari të Italisë dhe më pas në Boston, Massachusetts në SHBA për të vazhduar shkollimin.

Ai është një nëpunës publik dhe biznesmen i respektuar që ka punuar dhe menaxhuar kompani të ndryshme globale dhe shumëkombëshe. Ai iu bashkua Shërbimit të Jashtëm Shqiptar në vitin 2014 si Këshilltar për Çështjet e Biznesit, Tregtisë dhe Kulturës në Ambasadën e Shqipërisë në Pragë. Para kësaj ai themeloi dhe punoi për një grup investimesh i cili ka ndihmuar në ndërtimin e kompanive dhe markave të ndryshme që vazhdojnë me sukses të operojnë në rajonin e Ballkanit Perëndimor. Nga viti 2005 deri në 2007 ai ishte Drejtor i Përgjithshëm i Albtelecom, operatori shtetëror i telekomit në Shqipëri, i cili u privatizua në vitin 2007 tek investitorët privatë. Përpara angazhimeve të tij në Evropë, Kuka ka punuar në role të ndryshme drejtuese për kompani shumëkombëshe me qendër në SHBA. Nga viti 2001-2005 ka punuar për The Gillette Corporation. Në vitin 2005 ai vazhdoi të punojë për Procter & Gamble Company pasi përfunduan blerjen e The Gillette Inc. Në vitet 1997 - 2001 ai punoi për State Street Corp., Kolegjin Babson etj. Kuka mban titullin Doktor i Shkencave në Inxhinieri nga Universiteti i Barit, Itali ku në vitin 1997 ka përfunduar studimet për Inxhinieri Elektronike, i specializuar në Telekomunikacion. Ai ishte diplomuar në vitin 1993 në Universitetin e Tiranës në Shqipëri me diplomë Inxhinieri Elektronike, i specializuar në Elektronikë të Aplikuar.

Më 25 maj 2024, Kuka u akreditua nga Presidenti i Hungarisë H.E. Tamás Sulyok si Ambasador i Jashtëzakonshëm dhe Fuqiplotë i Republikës së Shqipërisë në Hungari.