Hape menynë kryesore

Sëmundje infektive quhen ato sëmundje që përcillen prej një organizmi në tjetrin. Këto sëmundje i shkaktojnë bakteret, kërpudhat, parashtazorët dhe virusët. Shumë mikrobe nga trupi i tyre lirojnë helme-toksine, të cilat ndikojnë negativisht në organizmin e njeriut. Si pasojë e veprimit të këtyre helmeve shfaqen shenjat e sëmundjes( temperatura e ngritur, dhembje në pjesë të ndryshme të trupit, humbja e apetitit etj). Koha që kalon prej momentit të depërtimit të mikrobeve në organizëm e deri te shfaqja e shenjave të para të sëmundjes quhet fazë e inkubimit. Organizmi ynë mbrohet nga mikrobet dhe helmet e tyre si dhe trupthat e tjerë të huaj në organizëm (antigjenet) me ndihmën e qelizave të gjakut si dhe duke prodhuar lëndë proteinike që quhen Antitruptha . Antitrupthat luftojnë vetëm ato sëmundje kundër të cilave janë formuar. Nga kjo kuptojmë se veprimi i tyre është specifik. Rezistenca që u bën organizmi sëmundjeve infektive përmes Antitrupthave quhet Imunitet. Imuniteti mund të jetë i lindur dhe i fituar.Gjatë evulucionit njerëzit janë bërë më të qëndrueshëm ndaj disa mikrobeve , ky imunitet quhet i lindur.Ndërsa imuniteti mund të fitohet edhe me rrugë artificiale përmes vaksinimit. Vaksinimi në realitet është një lloj infektimi i qëllimshëm i organizmit me mikrobe të dobësuara apo të vdekura të cilët organizmi pa vështirësi i lufton dhe me këtë rast prodhon antitruptha që e bëjnë organizmin imun(rezisent).


AlergjiaRedakto

Alergjia është reagim i dëmshëm imunobiologjik i organizmit.Substancat që shkaktojnë alergji quhen alergjenë , p.sh : mjetet kozmetike , pluhuri i polenit , disa barna , nga ushqimi e nga shumë faktorë të tjerë.Alergjenet depërtojnë në organizëm me frymëmarje , lëkurë , ushqim etj.Në disa raste edhe alergjia mundë të përfundojë me vdekje.