Inva Mula

Inva Mula (Tiranë, 26 qershor 1963) është një soprano shqiptare me nënshtetësi franceze, e cila ka pasur karrierë të shquar ndërkombëtare. Që prej viteve 90, Mula ka jetuar ndërmjet Tiranës dhe Parisit. Është anëtare e Akademisë Botërore të Artit dhe Shkencës (WAAS).

Karriera profesionale

Ka kënduar që në fëmijëri. Në vitin 1978, moshën 15-vjeçare u paraqit në festivalin e fëmijëve në Shkodër me këngën e kompozuar nga i ati, "Kur këndoj për ty moj nënë."

Në vitin 1987 fitoi konkursin “Këngëtarja Shqiptare”, më 1988 konkursin “George Enescu” në Bukuresht. Pas katër vjetësh në 1992 fiton konkursin ”Butterfly” në Barcelonë. Më 1993 merr një çmim në Operalia-n e parë të Placido Domingos në Paris. Ka bashkëpunuar me tenorë të famshëm në operën e Bastille-s në Paris, në Bruksel, në Mynih dhe në Oslo. Në vitin 1996 mori pjesë në operën "Medée" të Luigi Cherubini-t në Francë. Në 1998 rikthehet në operën e George Bizet “La Jolie fill de Perth”. Në filmin “Elementi i pestë” më 1997 i jep zërin këngëtares në rol Lucia di Lammermoor në skenën "The Diva Dance". Më vonë ajo luajti në “Ivan IV” të Bizesë në Paris. Në vitin 2001 ishte e angazhuar në Itali ku luajti nga Verdi operën "Falstaff" në teatrin “La Scala” të Milanos dhe Rigoletton në Arenën e Veronës.

Ka marrë pjesë rregullisht në “La Scara” ku luajti Lucia di Lammermoor, La bohème, Manon (2006). Luajti gjithashtu disa herë dhe La traviata-n në qytete të rëndësishme, si Tokio, Bilbao, Orange, Trieste dhe Toronto.

Në 2007, ajo luajti Norine-n e parë në L'elisir d'amore në Tuluzë të Francës. Jeta e saj është e ndarë më së shumti mes Francës dhe Shqipërisë.

Gjithashtu u njoh shumë për mënyrën e të kënduarit të saj gjë që e bëri atë më të famshme.

Jeta private

Mula është e bija e këngëtarit dhe kompozitorit Avni Mula dhe sopranos dhe muzikologes Nina Mula.

Ka qenë e martuar me kompozitorin e muzikës së lehtë shqiptare Piro Çako (1987-2010), me të cilin ka një djalë. Nga viti 2009, është e maturar me sipërmarrësin shqiptar nga Kosova Hetem Ramadani.