Ndërtesa e Arkivit të Vjetër në Vushtrri

Ndërtesa e Arkivit të Vjetër në Vushtrri është një monument i trashëgimisë kulturore në Vushtrri, Kosovë. Ky monument është i kategorisë "Arkitekturor", i miratuar me numër X022 (1140/101010).

Arkivi i Vjetër Historik në Vushtrri
Lloji	Arkitekturore
Vendndodhja	Vushtrri, Kosovë
Ndërtuar	Shek. XX
Monument Kulture në Kosovë
Emri zyrtar: Monument /Ansambël
Lloji	Nën mbrojtje
Nr. i referencës	X022 (1140/101010)

Historiku

Në qytetin e Vushtrrisë, përballë objektit të Komunës, gjendet shtëpia e ish-Arkivit Historik. Koha e ndërtimit të këtij monumenti i takon shek. XX. Objekti me etazhe P+K, me bazament guri, është ndërtuar nga tullat e argjilës së pjekur. Në katin përdhese ka ndërhyrje në fasadën perëndimore, ku është hapur vitrina për veprimtari tregtie, ndërsa kati i sipërm ka ruajtur origjinalitetin si në enterier ashtu edhe në eksterier. Në fasadat ballore (perëndimore dhe veriore) hapësirat e ndriçimit me korniza druri dhe parmakë metalikë si dhe kurora e fasadës e gdhendur në formë dhëmbëzoresh ruajnë autenticitetin e objektit. Në përdhese, në fasadën veriore ndodhet hapësira e mbyllur, sot e derës hyrëse, e cila sipër përfundon me gjysmëhark. Arkivi Historik Komunal në Vushtrri është themeluar më 3 mars 1968. Në fillim me këtë shërbim ka punuar në kuadër të Drejtorisë për Punë Administrativo – Juridike dhe të Përgjithshme të Kuvendit Komunal në Vushtrri.

Shih edhe

• Vushtrria
• Sanxhaku i Viçitrinës
• Lista e monumenteve në Vushtrri

Lidhje të jashtme

• Databaza e trashëgimisë kulturore të Kosovës Arkivuar 26 mars 2016 tek Wayback Machine