Izet Abdyli

Izet Abdyli u lind më 26 shkurt 1961 në fshatin Dobroshec të Drenasit.

Shkollimi: Shkolla fillore ,,Rilindja” Dobroshec, Gjimnazi ,,Gjergj - Kastrioti Skënderbeu” Gllogoc, Fakulteti Juridik, në  Prishtinë,

Fakulteti Filozofik - Master  i Arkivistikës.

Është prezantuar në shumë antologji poetike, të poetëve shqiptarë.

Gjatë luftës në Kosovë 1998-1999, ka raportuar për QIK-un dhe RTSH, përmes redaksisë së TVP-së, në Prishtinë.

Nga viti 2014, kryetar i Asociacionit të letrarëve dhe artistëve, Art Club ,,Rifat Kukaj” Drenas

Krijimtaria letrare dhe publicistike:

1.  “Fjalë Zemre” poezi, 1995

2.  “Kur vjeshta shkund pikëllimin” poezi, 2005

3.  ,,Ne mes jetës dhe vdekjes-Fletëza ditari lufte”

      publicistikë, 2008

4.  ,,Zogu i dritës” poezi për fëmijë, 2012

5.  ,,Ata që panë vdekjen me sy “ (publicistikë), 

     2014

6.  ,,Farfuri dashurie” poezi, 2015

7.  ,,Magjia e artit dhe fjalës” vështrime dhe

      recensione, 2016

8.  ,,Lirinë dikush po e vret” poezi, 2017

9.  ,,Gri” poezi, 2018

10. ,,Fundi i perandorëve” poezi, 2018.

11. ,,Biblioteka, Arkivi dhe Trashëgimia

       kulturore” 2019

12 ,,Siari” poezi për fëmijë

13. ,,Rituale të paturpshme", poezi(satira) 2021

14. ,,Shprush kujtimet, poezi 2021

16. ,,Leksiokoni i shkrimtarëe t Drenics” Botues Art Club “Rifat Kukaj”, 2022

17. ,, Udhpershkrime, rrefime, tregime” Botues Art Club “Rifat Kukaj”, 2022

18. ,,Përvijime letrare" (Veshtrime, recensione) Botues Art Club ,,Rifat Kukaj" 2024

19. ,,Pa strukturë" poezi, Botues Art Club ,,Rifat Kukaj", 2024

POEZIA QË FITOI ÇMIMN E DYTË NË MANIFESTIMIN ,,ORA E MADHE LETRARE NË 25 VJETORIN E MASAKRËS SË REÇAKUT" NË SHTIME

ME TRASTËN E KUJTIMEVE

Me trastën e kujtimeve stinëve kam ngarendur

E në copa shpirtrash dhimbjen kam pjesëtuar

Në supe kam ngarkuar peshën e atyre që nuk janë

E zemra sa nuk ka pëlcitur nga acari kallkan

Me trastën e kujtimeve stinëve kam ngarendur

Luginave, shpateve e krojeve që rridhnin gjak

Atje ku ende ndiheshin gjamet, rënkimet e të plagosurve

E në majëmali një shqiponjë drejt qiellit valonte në bajrak

Me trastën e kujtimeve stinëve kam ngarendur

Gjurmëve të atyre që u bënë rreze lirie

Të atyre që në degëlisash u mbetën ëndrrat e v(arura)rara

Të atyre që u kthyen në yje përjetësie

Me trastën e kujtimeve stinëve kam ngarendur

E më janë përzier vaje, zëra kushtrimi e këngë

Si feniks prej hiri të rënët janë ringjallur

Pastaj në gurë muranash janë kthyer e kanë zënë vend

7-9 dhjetor 2023

Shifra: ,,Wokeri po vjen”