Këshilli Kroat i Mbrojtjes

Këshilli Kroat i Mbrojtjes (Kroatisht: Hrvatsko vijeće obrane ose HVO) ishte formacioni zyrtar ushtarak i Republikës Kroate të Herceg-Bosnjës, një entitet i panjohur që ekzistonte në Bosnje dhe Hercegovinë midis 1991 dhe 1996. HVO ishte forca kryesore ushtarake e kroatëve të Bosnjës dhe Hercegovinës.

Stema e Këshillit Kroat të Mbrojtjes.

Në fazën fillestare të Luftës së Bosnjës, HVO luftoi së bashku me Ushtrinë e Republikës së Bosnjë dhe Hercegovinës (ARBiH) kundër serbëve të Bosnjës, por në fazën e fundit të konfliktit u përlesh kundër ish-aleatit të saj, veçanërisht në zonën e Mostarit. Misioni Monitorues i Komunitetit Evropian (ECMM) vlerësoi fuqinë e HVO në fillim të vitit 1993 në 45,000–55,000. Në korrik 1993, CIA vlerësoi forcat HVO në 40,000 deri në 50,000 burra.

HVO u inkorporua në Ushtrinë e Federatës së Bosnjë dhe Hercegovinës (VFBiH) në dhjetor 1995 pas marrëveshjes së bërë pas nënshkrimit të Marrëveshjes së Dejtonit. Në dhjetor 2005 HVO u riorganizua si Regjimenti i Parë i Këmbësorisë (Gardës) i Forcave të Armatosura të Bosnjë dhe Hercegovinës, pasi VFBiH dhe Ushtria e Republikës Srpska u bashkuan në një forcë të vetme të armatosur.

Historia

HVO (Këshilli Kroat i Mbrojtjes) u krijua më 8 prill 1992 në Grude nga udhëheqja politike e kroatëve, kryesisht anëtarë të Bashkimit Demokratik Kroat (Hrvatska demokratska zajednica) si një formacion ushtarak i Herceg-Bosnjës.

Shiko edhe

• Lufta e Bosnjës