Kalaja e Prrenjasit
Kalaja e Prrenjasit është një monument i trashëgimisë kulturore në Prrenjas, rrethi i Gramshit, në qarkun e Elbasanit, Shqipëri [1]. Ky monument është i llojit "Arkitekture", i miratuar me numër "1886, 10.06.1973".
| Kalaja e Prrenjasit | |
|---|---|
.svg) Kalaja e Prrenjasit (Earth) | |
| Lloji | Arkitekture |
| Vendndodhja | Prrenjas, Rrethi i Gramshit, Qarku i Elbasanit, Shqipëri |
| Koordinatat | 40°51′05″N 20°06′26″E / 40.851389°N 20.107111°E |
| Ndërtuar | Periudha e kohës së vonë antike Shek. IV p.e.s. deri në Shek. VIe.r. |
| Organi drejtues | DRKK Elbasan |
| Emri zyrtar: Monument i trashëgimisë kulturore | |
| Lloji | Nën mbrojtje |
| Kriteret | I |
| Nr. i referencës | GR009 |
| Tipologjia | Kala fortese garnizoni |
Histori dhe përshkrim
RedaktoKalaja ka formë katërkendore me përmasa rreth 180 m x 50 m, me qoshe të rrumbullakuara me anët e ngushta nga përroi e qafa. Fragmentet e mbetura të mureve kanë një lartësi rreth 3 m. Muret janë ndërtuar me gurë mesatarë, të nxjerrë në vend, të vendosur në rreshta horizontalë të lidhur me llaç të bardhë gëlqereje të një kualiteti të dobët me fuga rreth 1.5 cm të trasha. Brenda, muri përbëhet nga gurë të vendosur në mënyrë të çrregullt. Trashësia e mureve është 1.7m – 1.8 m në anën nga qafa, ndërsa, në anë më të mbrojtura, 1.2 m. Kalaja nuk ka kulla nëpër qoshe, si dhe gjate mureve. Pranë, në anën jug-perëndimore, gjendet një grumbull gurësh që të bën të mendosh se mund të ketë egzistuar një kulle. Forma e planimetrisë, teknika e ndërtimit dhe qeramika e datojne si një fortesë garnizoni të periudhës së vonë antike, megjithëse gojëdhëna e lidh kalanë me periudhën e Skënderbeut.[2]
Referime
Redakto- ^ LISTA E MONUMENTEVE: RRETHI I GRAMSHIT. Instituti i Monumenteve të Kulturës - Ministria e Kulturës. Arkivuar nga origjinali (PDF) më 28 tetor 2019. Marrë më 17 dhjetor 2017.
- ^ "Map - IMK WebGIS". imk.gov.al. IMK. Arkivuar nga origjinali më 16 korrik 2019. Marrë më 17 dhjetor 2016.
Lidhje të jashtme
Redakto
 | Ky artikull për historinë e Shqipërisë është i cunguar. Ju mund të ndihmoni Wikipedian duke e zgjeruar atë. |