KF Prishtina

Klubi Futbollistik Prishtina (KF Prishtina) nga Prishtina, Kosovë, është themeluar në vitin 1922 për të pasur fillimisht emrin "Gajret", "Proleter", "Kosova" nga ushtarë të garnizonit ushtarak të Prishtinës. Aktualisht KF Prishtina merr pjesë në kategorinë më të lartë të futbollit në Kosovë, Superliga, dhe konsiderohet si gjigand i futbollit kosovar pasi është kampion i shumëfishtë dhe klubi më i suksesshëm në historinë e futbollit kosovar.Pas luftës së dytë botërore e këndej pa varësisht nga periudhat e kohës ka qenë një ndër klubet që më shumti ka ndikuar në rrjedhat e futbollit. Shumë herë kampion i Kosovës dhe anëtar i Ligës së Parë të ish Jugosllavisë.

Prishtina

Emri i plotë	Klubi Futbollistik Prishtina
Pseudonimi(et)	Plisat
Emri i shkurtër	PRI
Themeluar	1922
Stadiumi	Stadiumi Fadil Vokrri
Kapaciteti	13,500
Presidenti	Remzi Ejupi
Menaxheri	Debatik Curri
Liga	Superliga e Kosovës
2022–23	5
Faqja zyrtare	Faqja zyrtare e klubit
Ngjyra shtëpi Ngjyra jashtë

Historia

Klubi i Futbollit Prishtina, është klub me status të aksionarëve, por me përgjegjësi të kufizuara dhe i vetmi i këtij lloji në Kosovë. Është klubi me traditën më të lashtë në Kosovë.

Është themeluar në vitin 1922, për të pasur fillimisht emrin Gajret, Proleter, Kosovë etj., kurse pas luftës së dytë botërore e këndej njihet me emrin Prishtina dhe pa varësisht nga periudhat e kohës ka qenë një ndër klubet që më shumti ka ndikuar në rrjedhat e futbollit. Shumë herë kampion i Kosovës dhe anëtar i Ligës së Parë të ish Jugosllavisë.

Mëvetësimi i sportit të Kosovës, buron pikërisht nga ky klub në vitin 1991/92, për të qenë pishtar i idesë së vazhdimit të së luajturit futboll jashtë ligës së okupatorit. Pas luftës pozicionohet në stadiumin e qytetit dhe është riorganizuar pa ndërprerë.

Sot në stadium janë të vendosura karriget dhe reflektorët, për të qenë ambienti më i këndshëm futbollistik në Kosovë, kurse ditëve të fundit janë duke u bërë punimet rreth avancimit të infrastrukturës,

Stadiumi

KF Prishtina ndeshjet i zhvillon në stadiumin e qytetit "Fadil Vokrri".

Ndeshjet miqësore

Në praninë e afro 10,000 shikuesve në vitin 1998 në Tetovë KF Prishtina luajti një ndeshje miqësore kundër KF Shkëndija të Tetovës që përfundoi me rezultati të barabartë 1:1. Në atë lojë luajtën edhe Arbnor Morina e Ardian Kozniku. Ndeshja kthyese u zhvillua në vitin 1999 në Prishtinë në praninë e mbi 22,000 shikuesve dhe përfundoi me fitore të KF Prishtina me rezultat 4:3. Në të dy këto ndeshje luajtën edhe Arbnor Morina e Ardian Kozniku, ku në ndeshjen e kthmit Ardian Kozniku shënoi tre gola dhe ia siguroi fitorën Prishtinës.

Trofetë e mëdhenjë

• Superliga e Kosovës
  • Fitues (7): 1999/2000, 2000/2001, 2003/2004, 2007/2008, 2008/09, 2011/12, 2020/21
• Kupa e Kosovës
  • Fitues (7): 1994/95, 2005/06, 2012/13, 2015/16, 2017/18, 2019/20, 2022/23

Sezona 2020/21

Është sezoni i fundit në të cilin KF Prishtina është bërë kampione në Ligën e Kosovës.

Lidhje të jashtme

• KF Prishtina Faqja zyrtare
• Plisat Faqja zyrtare e tifozave të flaktë