Lira Bojku

Lira Bojku (e lindur më 9 qershor, 1990 në Shkup) është një shkrimtare dhe poete shqiptare nga Maqedonia e Veriut.^[1]

Jeta

Lira u lind më 9 qershor 1990 në Shkup. Ka diplomuar në vitin 2012 në Fakultetin Juridik në Universitetin e Evropës Juglindore ku u shpall studente e gjeneratës 2009/2012,. Magjistroi në vitin 2016 me tezën “Implementimi i Konventës për Ndalimin e të Gjitha Formave të Diskriminimit ndaj Grave në Republikën e Maqedonisë” në studimet pasdiplomike në programin TEMPUS drejtimi Marrëdhëniet Ndërkombëtare- Të Drejtat e Njeriut..^[1] Nga viti 2012, ajo punon si këshilltare në Sekretariatin për Çështje Evropiane -Qeveria e Republikës së Maqedonisë së Veriut.

Është anëtare e Shoqatës së Shkrimtarëve të Maqedonisë që nga shkurti i vitit 2018.

2013 shpërblehet me vend të dytë për prozë, në konkursin letrar të organizuar nga Komuna e Tetovës për hir të “Ditës së alfabetit”
2014 shpërblehet me vend të tretë për poezi (Çmimi Sefer Selimi)
2017 shpërblehet me vend të tretë për prozë në sajë të manifestimit tradicional “VERA KULTURORE TETOVARE”

Bibliografia

Këpucët e kuqe, 2015
Dashuria në lavatriçe, 2017
Љубовта на генерал Ш. (Dashuria e gjeneralit Sh.), 2018

- Tre tregime të saj janë përkthyer në gjuhën maqedonase dhe janë botuar në librin e dytë të Raskazi.mk- pjesë e projektit të EVN “Krijo një libër” (botuar në vitin 2015),

- Një tregim i saj është përfshirë në librin shqip – maqedonisht “Botë narrative-Раскажувачки светови”( botuar në vitin 2019).

- Ajo është pjesë e "Antologjia e Poezisë së Poeteve Shqiptare nga Republika e Maqedonisë së Veriut", (botuar në vitin 2019).

- Dy nga tregimet e saj u ekspozuan në ekspozitën e poezive "Hijet e bardha” organizuar nga Galeria Qahili në vitin 2019, në Prishtinë, Republika e Kosovës.

Përkthime në gjuhë të huaja/promovime ndërkombëtare

- Përkthim i një pjese të veprës së saj në gjuhën hungareze, libri "Visszaszámlálás„ ("Numërim"), viti 2020 si pjesë e projektit "Ditët e kulturës maqedonase në Budapest viti 2020", ku dhe u promovua ky libër në 27.10.2020 në Budapest.

- Përkthim në turqisht i poezisë së saj me të cilën u prezantua në takimin letrar "Mbrëmja e poezisë Ballkanike" që u mbajt në 31.10.2020 në Stamboll.

Takime letrare

Ka marrë pjesë në disa takime letrare si:

“Vargje në verandë"

"Dashuria e Nënës së Paqes "- në 106 vjetorin e lindjes së Agnes Gonxhe Bojaxhiu - Nënë Tereza

"Shkupi lexon"(Edicioni I, II, III)

"Takim letrar për Nënë Terezën"

"Orë letrare në përurimin e Sheshit Skënderbej”

Festivali Poetik Mbarëkombëtar - "Flakadani i Kujtesës-Pranvera shqiptare 81", (Edicioni i dytë dhe i tretë)

Takim letrar - Balcan Book Club (në Teatrin Poshka)

Festivali internacional i poezisë në Shkup (Edicioni i parë)

Referime

^ ^a ^b ""Dashuria në lavatriçe" nga Lira Bojku do të promovohet javën e ardhshme". portalb.mk. portalb.mk. 27 tetor 2017. Marrë më 23 korrik 2019.

[portal-1] ""Dashuria në lavatriçe" nga Lira Bojku do të promovohet javën e ardhshme". portalb.mk. portalb.mk. 27 tetor 2017. Marrë më 23 korrik 2019.

[1]