Lokaliteti arkeologjik në Lluki

Lokaliteti arkeologjik në Lluki është një monument i trashëgimisë kulturore në Lluki, Vushtrri, Kosovë. Ky monument është i kategorisë "Arkeologjik".

Lokaliteti arkeologjik në Lluki
Lloji	Arkeologjike
Vendndodhja	Lluki, Vushtrri, Kosovë
Ndërtuar	Romake, Antikiteti i Vonë
Monument Kulture në Kosovë
Emri zyrtar: Lokalitet Arkeologjik / Rezervat
Lloji	Nën mbrojtje
Nr. i referencës	3710

Historia

Toponimi ‘Artat e Gjokës’ që ndodhet në fshatin Dobërllukë (Fushmir) ka gjurmë të një vendbanimi antikë. Kjo hetohet qartë nga gjetjet e fragmenteve të tullave të tipit kalipter përmasash të larmishme, copave atipike të tjegullave dhe nga fragmente të pakta në numër të enëve të qeramikës të përdorimit të përditshëm. Vendbanimi shtrihet rreth 200m në veriperëndim të lagjes së Bajshorëve, në një ultësirë me fushë pjellore, diku rreth 500-600m nga krahu i majtë i rrjedhës së lumit Silnicë.

Shkëputja nga ultësira përmës terracash e kodrash të ulëta vije vetëm nga ana veriore ku terreni ndërlidhet me rrënzën e fshatrave malore të trevës së Vushtrrisë. Gjetjet shtrihen mbi një sipërfaqe prej rreth 4 hektarë, ndërsa në veçanti ato janë të përqendruara në një sipërfaqe prej rreth 20-30 ari. Banorët vendës, tregojnë se gjatë punimit të tokës kanë hasur në themele të objekteve të ndërtuara me gurë dhe të lidhura me llaç gëlqereje të bardhë, e veçanërisht në tjegulla e tulla të cilat janë përdorur për shtrimin e rrugëve. Tashi nuk hetohen gjurmët e objekteve të arkitekturës. Vendbanimi, sipas gjetjeve të kalipterëve që kronologjikisht janë më të çarta se sa gjetjet e tjera, mund të datohet në periudhën e antikitetit.

Shih edhe

• Vushtrria
• Komuna e Vushtrrisë
• Lista e monumenteve në Vushtrri

Lidhje të jashtme

• Databaza e trashëgimisë kulturore të Kosovës Arkivuar 26 mars 2016 tek Wayback Machine